Tags-Wajood

yuuñ jagmagā uThā hai tirī yaad se vajūd
jaise lahū se koī sitāra guzar gayā

zarā sā vaqt ke sūraj ne ruḳh jo badlā hai
mire vajūd pe kuchh saa.e muskurāte haiñ

na fanā mirī na baqā mirī mujhe ai 'shakīl' na DhūñDhiye
maiñ kisī kā husn-e-ḳhayāl huuñ mirā kuchh vajūd o adam nahīñ

taare āvāra o kam-āmez
taqdīr-e-vajūd hai judā.ī

aalam kā vajūd hai numūd-e-be-būd
hai āb-e-sarāb us kī hastī kī numūd

mirā vajūd shumār-e-nafas meñ aayā na.iiñ
tamām-umr maiñ sāñsoñ ke bas meñ aayā na.iiñ

tire baġhair baḌe be-qarār haiñ 'āsī'
tirā vajūd jinheñ nāgavār guzrā thā

gyaan kī aañch ne kar diyā masḳh merā vajūd
yā maiñ bargad ke saa.e meñ ḳhud ko badaltā rahā

koī charāġh mirī samt bhī ravāna karo
bahut dinoñ se añdherā mire vajūd meñ hai

sab meñ shāmil hai
lab-e-sāhil pe ujle sañg-rezo kā vajūd

sūrat-e-ishva-e-ḳhāshāk hai āvāra vajūd
kyā sambhal pā.egā dariyā-e-havas sāmne hai

hai tazādoñ kā chaman merā vajūd
fasl-e-gul kā marsiya gā.uñgā maiñ

dayār-e-nūr meñ har samt ḳhaak uḌne lagī
vajūd hone lagā mo'atabar añdhere kā

duniyā se ḳhatm ho gayā insān kā vajūd
rahnā paḌā hai ham ko darindoñ ke darmiyāñ

vo ik vajūd zamīñ par bhī āsmāñ kī tarah
mire hudūd se bāhar hai lā-makāñ kī tarah

bikhre hue paḌe haiñ reze vajūd ke hī
simTe na phir kabhī ye harjā.ī chāhtā hai

kal shab qasam ḳhudā kī bahut Dar lagā hameñ
ik zalzala vajūd ke andar lagā hameñ

un se bichhaḌ ke huuñ koī āvāra ruuh maiñ
goyā mirā vajūd unhīñ ke badan se thā

magar jab vajūd us kā
mujassam ajnabī ban kar

mirā vajūd mujassam ḳhulūs thā 'nāsir'
maiñ phir bhī bārgah-e-husn ke itaab meñ thā