Tags-Wajood

ḳhudā ne gaḌ.h to diyā ālam-e-vajūd magar
sajāvaToñ kī binā auratoñ kī zaat huī

maiñ haañ aur ik nahīñ ke abhī darmiyān huuñ
merā vajūd zaat se aage nikal gayā

yaqīn jaan ki terā vajūd hai mujh se
ye maan le ki agar maiñ nahīñ to tū bhī nahīñ

ba-juz hikāyat-e-tū iiñ vajūd-e-chīz-e-nīst
maiñ kul kā kul tirā qissa maiñ sab kā sab tirī yaad

koī shor-o-ġhul na sannāToñ kā phir hogā vajūd
saath hī āvāz ke ḳhāmoshiyāñ jal jā.eñgī

ai dānish-var mafar nahīñ hai
iqrār-e-vajūd-e-kibriyā se

ḳhudā ne gaḌ.h to diyā ālam-e-vajūd magar
sajāvaToñ kī binā auratoñ kī zaat huī

jaane kyā DhūñDhtā phirtā thā yahāñ merā vajūd
ik udāsī mire ghar ke dar-o-dīvār meñ thī

tum ko kyā ilm miTā kitne hī qatroñ kā vajūd
muskurātī huī is ek ghaTā ke pīchhe

anā rahī na mirī mutlaq-ul-inānī kī
mire vajūd pe ik dil ne hukmarānī kī

maujūdī se inkārī hai apnī zid meñ nāz-e-vajūd
hālat sī hālat barpā hai allāh-hū ke baaḌe meñ

us kī muTThī meñ bahut roz rahā merā vajūd
mere sāhir se kaho ab mujhe āzād kare

ġham-e-zamāna jab na ho ġham-e-vajūd DhūñD luuñ
ki ik zamīn-e-jāñ jo hai vo dāġhdār chāhiye

kabhī to khul ke baras abr-e-mehrbāñ kī tarah
mirā vajūd hai jalte hue makāñ kī tarah

vajūd se adam ko yuuñ chalā gayā hai ik ġharīb
kirā.e-dār jis tarah koī makāñ badal gayā

jo hai tāzgī mirī zaat meñ vahī zikr-o-fikr-e-chaman meñ hai
ki vajūd merā kahīñ bhī ho mirī ruuh mere vatan meñ hai

adā huā na qarz aur vajūd ḳhatm ho gayā
maiñ zindagī kā dete dete suud ḳhatm ho gayā

talāsh apnī ḳhud apne vajūd ko kho kar
ye kār-e-ishq hai is meñ lagā to maiñ bhī huuñ

kho na jaa.e kahīñ vajūd apnā
reza reza bikhar rahe haiñ ham

bahut bikherā mujhe mire mehrbānoñ ne
mirā vajūd hī lekin simaTne vaalā thā