Tags-Waqt

vaqt-e-vidā.a zard huā rañg-e-ruḳh agar
rañg-o-bahār-e-āriz-e-fitrat ko kyā huā

bichhaḌte vaqt vo royā to thā magar 'rāqim'
masarratoñ meñ bhī hotī haiñ ashk-bār āñkheñ

koī mile ye ġhanīmat hai suunī rāhoñ meñ
ab aise vaqt koī ġhair kyā shanāsā kyā

bedāriyoñ meñ aa.iiñ nazar ye to hai muhāl
maḳhfī haiñ vaqt-e-ḳhvāb ba-dastūr piñDliyāñ

gardish-e-vaqt ne kyā phir koī sūrat badlī
yā yūñhī vaqt-guzāroñ ko hañsī aatī hai

gar vaqt-e-sahar jā.iye hotā hai ye irshād
hai vaqt-e-mulāqāt sar-e-shām hamārā

tū bhī ho maiñ bhī huuñ ik jagah pe aur vaqt bhī ho
itnī gunjā.isheñ rakhtī nahīñ duniyā mire dost!

vaqt kā aisā ye jazīra hai
jahāñ din aur raat kuchh bhī nahīñ

vaqt ik mauj hai aatā hai guzar jaatā hai
Duub jaate haiñ jo lamhāt ubharte kab haiñ

nāma-e-yār jo sahar pahuñchā
ḳhush-raqam ḳhuub vaqt par pahuñchā

vo to hote haiñ faqat vaqt-guzārī ke liye
log jo yaad ke ḳhānoñ se nikal jaate haiñ

jab patā chaltā hai ḳhushbū kī vafādārī kā
phuul jis vaqt gulistāñ se judā hotā hai

gardish-e-vaqt ne is haal meñ chhoḌā hai mujhe
ab kisī shahr kā luuTā huā bāzār huuñ maiñ

hai mukammal vaqt ke sūraj pe merā inhisār
zindagī ke paañv se lipTā huā saaya huuñ maiñ

ka.aba kā ehtirām ḳhudā-sāz ho gayā
us vaqt meñ kahāñ ye tirā āstāna thā

tum ne jo phuul mujhe ruḳhsat hote vaqt diyā thā
vo nazm maiñ ne tumhārī yādoñ ke saath lifāfe meñ band kar ke rakh dī thī

ḳhirad bhī gosh-bar-āvāz-e-vaqt thī lekin
payām jitne bhī aa.e junūñ ke naam aa.e

aap ke ba.ad aap hī kahiye
vaqt ko kaise ham-nashīñ kahte

tū DhūñD hameñ vaqt kī dīvār ke us paar
ham duur bahut duur kī manzil kā nishāñ haiñ

ye kaj-kulāh na.e vaqt ke na Thahreñge
khiñchī kamān mire shahryār baaqī rakh