Tags-Yaad

hai jo shab-bedār terī yaad meñ
us farāmush-kār ko ġhāfil samajh

lamha lamha aziyyateñ haiñ jahāñ
yaad hī un kī chāra-gar hotī

ġhair se ham ko dilāte haiñ vo lākhoñ gāliyāñ
pichhlī bāteñ yaad ham un ko dilā sakte nahīñ

tirā ishq hai mirī zindagī tirā zikr hai mirī bandagī
tujhe yaad kartā huuñ maiñ sadā mujhe kaam hai isī kaam se

kis jaTā-dhārī show se sīkhā thā
aur kab ab ye baat yaad nahīñ

yaad ke shahr mirī jaañ se guzar
qurb ke āḳhirī imkāñ se guzar

ā.īna toḌ Daalā hai ab tere aks ko
tasvīr kar rahā huuñ tirī yaad joḌ kar

yaad kar ke maiñ jise bhuul sakūñ ġham 'ahsan'
tū mujhe aisī koī chiiz purānī de de

bhulā.e baiThā thā jis ko maiñ ek muddat se
na jaane kaise vo phir yaad aa gayā mujh ko

kabhī hañsātī hai yaad terī kabhī rulātā hai hijr terā
ye qābil-e-dīd hai tamāshā ye sair-e-be-mehr dīdanī hai

ab koī dūsrā rāsta hī nahīñ
yaad tujh ko kareñ aur zinda raheñ

yūñhī shab bhar jalā karte the yād-e-sho.ala-e-ruḳh meñ
yahī sozish kabhī ai sham-e-mahfil ham bhī rakhte the

kyā thī ḳhabar ki tark-e-ta.alluq ke baad bhī
ham ko vo shoḳh parda-nashīñ yaad aa.egā

ai qalb-e-zār sabr-o-tahammul se kaam le
kab tak kisī kī yaad meñ aañsū bahā.egā

jo tū nahīñ mire hamrāh terī yaad sahī
koī to saath mire dasht-e-jāñ meñ rahtā hai

huā din fikr-e-duniyā ne dabochā
tumhārī yaad to shab bhar rahī thī

hamārā naam kyā sūrat nahīñ yaad
mulāqāt un se to akasr rahī thī

'dānā' vo ab bhī aatā hai tanhā.iyoñ meñ yaad
duniyā kī bhiiḌ meñ jo bichhaḌ kar nahīñ milā

yaad aatī haiñ garmiyāñ terī
dil hamārā bhī sard rahtā hai

yaad itnā hai mire lab pe fuġhāñ aa.ī thī
phir ḳhudā jaane kahāñ dil kī ye āvāz ga.ī