Tags-Yaad

jo tum yaad aa.e to ġham yaad aa.e
jo ġham yaad aa.e to ham yaad aa.e

chhiḌā zikr jab un ke jaur-o-sitam kā
mujhe un ke lākhoñ karam yaad aa.e

mohabbat meñ ik vaqt aisā bhī guzrā
na tum yaad aa.e na ham yaad aa.e

falak par jo dekhe mah-o-mehr-o-anjum
hameñ apne naqsh-e-qadam yaad aa.e

muqaddar ko jab bhī sañvārā hai ham ne
tirī zulf ke pech-o-ḳham yaad aa.e

ajab kashmakash hai ki jiinā na marnā
'sahar' us se kah do ki kam yaad aa.e

maiñ ki ma.adūm rahā sūrat-e-ḳhvāb
phir kisī yād-dahānī meñ rahā

kiyā jo Dar Dar ke arz-e-matlab to mujh se ye kah diyā unhoñ ne
sabaq nahīñ yaad abhī ye tum ko sunā rahe ho aTak aTak kar

jaane kyā thī baat mujhe kuchh yaad nahīñ
ḳhatm huī kab raat mujhe kuchh yaad nahīñ

dil meñ jiine kī ik ḳhvāhish hotī thī
ab haiñ jo hālāt mujhe kuchh yaad nahīñ

garm rutoñ meñ maiñ ne duā.eñ māñgī thiiñ
kab aa.ī barsāt mujhe kuchh yaad nahīñ

bachpan meñ ik khel to maiñ ne khelā thā
jiit huī yā maat mujhe kuchh yaad nahīñ

maiñ to us kā saath nibhātī aa.ī huuñ
kyā kyā the sadmāt mujhe kuchh yaad nahīñ

yaad aayā vo TuuT kar 'fārūq'
raat bārish thī kyā qayāmat kī

kam kyā thā ham faqīroñ ko āshob-e-rozgār
kyuuñ yaad aa rahī haiñ tirī mehrbāniyāñ

tum ne bhulā diyā to na.ī baat kyā huī
rahtī haiñ yaad kis ko vafā kī kahāniyāñ

vahī ek yaad kiran kiran mirī zindagī meñ hai zau-fagan
vahī ek chehra chaman chaman sar-e-dasht-e-jāñ hai khilā huā

na kisī kī yaad kā naqsh hai na kisī ke ruḳh kā ye aks hai
ye na koī harf na lafz hai sar-e-ḳhāk kyā hai likhā huā

ḳhushk thā mausam magar barsī ghaTā jab yaad kī
dil kā murjhāyā huā ġhuncha tar-o-tāza lagā

yaad aatī hai tirī yuuñ mire ġham-ḳhāne meñ
khil uThe jaise gulistāñ kisī vīrāne meñ