Tags-Yaad

qavī bhī hai za.iif bhī hamārā hāfiza 'shu.ūr'
maze tamām yaad haiñ azaab ek bhī nahīñ

aaj kuchh yaad aa rahī ho yuuñ
tum zamīñ aur āsmāñ huuñ maiñ

zāhir-o-bātin meñ ai dil farq ho
but baġhal meñ ho ḳhudā kī yaad ho

jaane kis haal meñ haiñ kaise haiñ
ham jinheñ yaad aanā bhuul ga.e

maiñ raushnī se milā thā bas itnā yaad rahā
phir us ke baad se chāroñ taraf añdherā thā

nahīñ paimān-e-vafā tum ne nahīñ bāñdhā thā
vo fasāna hī ġhalat hai jo tumheñ yaad na ho

maiñ na bhūlūñ ġham-e-ishq kā ehsāñ 'vahshat'
un ko paimān-e-mohabbat jo nahīñ yaad na ho

vahī din hai hamārī iid kā din
jo tirī yaad meñ guzartā hai

likkho kabhī ki mujh ko tum yaad kar rahe ho
masrūfiyat ke lamhe bhī mujh pe vārte ho

kisī kī yaad meñ jī kar hazāroñ baar marte haiñ
agar na zindagī hotī kabhī marnā nahīñ hotā

udaas shaam meñ pazhmurda baad ban ke na aa
jo aa sake to ḳhud aa apnī yaad ban ke na aa

fāsla beach kā miTā kaise
yaad us ne mujhe kiyā kaise

zamāne ke ġham yaad aane lage haiñ
tirā ġham tujhe sauñpnā chāhtā huuñ

jab tirī yaad ke jugnū chamke
der tak aañkh meñ aañsū chamke

mujhe to is darja vaqt-e-ruḳhsat sukūñ kī talqīn kar rahe ho
magar kuchh apne liye bhī sochā maiñ yaad aayā to kyā karoge

bhuul jaa.eñ ham use aisā nazāra to nahīñ
yaad par aatā rahe ye bhī gavāra to nahīñ

imtihāñ dene talak yaad jinheñ rakhā jaa.e
un savālāt kī mānind bhulāyā gayā huuñ

thā vo jañgal ki nagar yaad nahīñ
kyā thī vo rāhguzar yaad nahīñ

ye ḳhayāl aatā hai maiñ ḳhush thā bahut
kis taraf thā mirā ghar yaad nahīñ

kyā thī vo shakl pe bholī thī bahut
pyārā sā naam thā par yaad nahīñ