Tags-Zindagi

zindagī aag hai aur aag kī ḳhātir ham ne
diip kī aañkh meñ jaltā huā chehrā dekhā

tum ko jiinā hai to kuchh aib bhī lāzim haiñ 'shahāb'
zindagī ko to na faizān-e-hunar pahuñchegā

ye jo zindagī kī kitāb hai ye kitāb bhī kyā kitāb hai
kahīñ ik hasīn sā ḳhvāb hai kahīñ jān-levā azaab hai

shorish-e-zindagī tamām huī
gardish-e-māh-o-sāl se bhī ga.e

dar-haqīqat roz-o-shab kī talḳhiyāñ jaatī rahīñ
zindagī se sab mirī dilchaspiyāñ jaatī rahīñ

āḳhirash us ko bhī ab suulī pe laTkāyā gayā
zindagī bhar jo pas-e-dīvār-e-maqtal qaid thā

misl-e-barkash zindagī jiitā thā rahā durr-e-yatīm
vo rihā.ī ke dinoñ meñ bhī mukammal qaid thā

zindagī kam paḌhe pardesī kā ḳhat hai 'ibrat'
ye kisī tarah paḌhā jaa.e na samjhā jaa.e

maut ko jab se muqābil dekhā
zindagī ho ga.ī shaidā.ī mirī

ravāñ-davāñ hai zindagī charāġh ke baġhair bhī
hai mere ghar meñ raushnī charāġh ke baġhair bhī

vo zindagī jo mash.al-e-vafā kī ham-rikāb thī
guzar ga.ī hañsī-ḳhushī charāġh ke baġhair bhī

yaas kī ḳhushk Tahnī pe kaise lagā baur ḳhvāboñ kā mujh se na kuchh pūchhnā
zindagī lamha lamha mujhe mil ga.ī qatra qatra vo chāhat luTāte rahe

mirī zindagī pe na muskurā mujhe zindagī kā alam nahīñ
jise tere ġham se ho vāsta vo ḳhizāñ bahār se kam nahīñ

vahī kārvāñ vahī rāste vahī zindagī vahī marhale
magar apne apne maqām par kabhī tum nahīñ kabhī ham nahīñ

ḳhushī se guzre ye sab ke liye to achchhā hai
ye zindagī hai ise bhī vabāl mat karnā

dar-asl hai mirī hastī kī kā.enāt 'ejāz'
vo ik nigāh jise zindagī kā raaz kahūñ

jafā kī dhuup meñ guzrī hai zindagī saarī
vafā ke naam pe jheleñge ġham to kyā hogā

kyuuñ na ho sho.ala-ba-dāman zindagī
kis taraf ab aag kā dariyā nahīñ

phuul kī ik pañkhuḌī kahiye use
zindagī ik barg-e-āvāra nahīñ

uThā na der tak ehsān mausam-e-gul kā
maiñ zindagī huuñ mujhe jī mire azaab meñ aa