Tags-Zindagi

naġhme bhī haiñ pasand mujhe soz bhī aziiz
sarmāya-e-vafā hai mirī zindagī kā saaz

paiġhām-e-zindagī hai mohabbat kī har adā
ya.anī gunāhgār-e-mohabbat hai pāk-bāz

be-zauq-e-numūd zindagī maut
tāmīr-e-ḳhudī meñ hai ḳhudā.ī

koī apne bachne kā Dhab nahīñ koī zindagī kā sabab nahīñ
mire paas dil bhī to ab nahīñ vo idhar ga.e ye udhar gayā

use dil-lagī kā mazā milā use āshiqī kā mazā milā
use zindagī kā mazā milā jo tirī adāoñ pe mar gayā

varaq varaq 'alīnā' ham ne zindagī se yuuñ rañgā
ki kātib-e-nasīb kī razā hī aur ho ga.ī

tamām husn-o-mohabbat tamām ra.anā.ī
vo ik nigāh jo paiġhām-e-zindagī laa.ī

ġham-e-zindagī jab sunāne lage haiñ
banāne meñ ham ko zamāne lage haiñ

na jaane vaqt kī gardish dikhā.egī kyā ruḳh
guzar rahī hai jo ye zindagī ġhanīmat hai

ye zindagī azaab agar ho to kyā kareñ
ik talḳh sī sharāb agar ho to kyā kareñ

ham rāz-e-dil chhupāte magar apnī zindagī
puurī khulī kitāb agar ho to kyā kareñ

zindagī phir se fazā meñ raushan
mish.al-e-barg-e-hinā kartī hai

zindagī merī thī lekin ab to
tere kahne meñ rahā kartī hai

zindagī bhar kī ye tāḳhīr apnī
rañj milne kā sivā kartī hai

tai huā ki marnā to lāzmī natīja hai
ghūñT ghūñT girtā hai zindagī kā sam mujh meñ

huī thī zindagī jab shahr meñ gum
kisī ko koī rañj is kā nahīñ thā

manzil-e-zindagī hai kitnī duur
pūchh letā huuñ rahguzāroñ se

pyaar kā ik pal sukūn-e-zindagī de jā.egā
ḳhatm jo hone na paa.e vo ḳhushī de jā.egā

aa.egā vo din hamārī zindagī meñ bhī zarūr
jo añdheroñ ko miTā kar raushnī de jā.egā

jaane kyā hai maut, kyā hai zindagī
chalte chalte kaise tham jaatī haiñ tasvīreñ tamām