Tags-Zindagi

zindagī kī haisiyyat buuñd jaise paanī kī
nāchtī hai sholoñ par chashm-e-nam meñ jaltī hai

jis kī ḳhushbū se mo.attar hai mashām-e-zindagī
be-vaqār-e-vazn phirtā hai vo nāfa-dār dekh

bhalā.ī karo to mile hai burā.ī
ye qissa mirī zindagī se juḌā hai

jab ḳhayāloñ meñ tire jism ko chhū letā huuñ
zindagī sho.ala-e-māzī se jhulas jaatī hai

koī dam aisī zindagī bhī kareñ
apnā siina ho aur ḳharāsh apnī

kisī kā koī Thikāna hai koī Thor bhī hai
ye zindagī hai kahīñ is kā or-chhor bhī hai

haañ to maiñ aap se kahtā thā janāb
zindagī jabr kī pāband nahīñ rah saktī

hai chaar din kī zindagī ḳhush rah ke āḳhir ke ta.iiñ
duniyā se jaanā hai guzar koī kuchh kaho koī kuchh kaho

vo to ye kahiye mohabbat ne hī āñkheñ khol diiñ
zindagī ko varna ik rāz-e-nihāñ samjhā thā maiñ

zindagī merī thī aur us ko 'jiyā' auroñ ne
mujh ko pal mere jo lauTā.e magar tum sā kahāñ

ho nazar meñ agar haqīqat-e-husn
zindagī saada dāstāñ bhī nahīñ

piir ghabrā.e murīdoñ ko pasīna aa gayā
zindagī kā har taḳhayyul maut ban kar chhā gayā

jis ko dekho vahī āvāra-o-saudā.ī hai
zindagī hai ki kisī dasht kī pahnā.ī hai

zindagī bojh na ban jaa.e tan-āsānī se
apne raste meñ kabhī ḳhud koī dīvār uThā

shāḳh-e-ehsās pe jo phuul khile haiñ un ko
zindagī husn kā idrāk baḌhāne se milī

pūchhe jo zindagī kī haqīqat koī 'jamāl'
to chuTkiyoñ meñ ret uḌā kar use dikhā

aañkh jhapkī thī bas ik lamhe ko aur is ke ba.ad
maiñ ne DhūñDā hai tujhe zindagī sahrā sahrā

tamannā-e-muhāl-e-dil ko juzv-e-zindagī kar ke
fasāna ziist kā pechīda kartā jā rahā huuñ maiñ

ye kaisā ḳhvāb thā 'zīshān' zindagī apnī
ye kaisī dhun mire chāroñ taraf samā.ī rahī

beach apnoñ ke rah ke bhī 'monā'
zindagī ham ne kī basar tanhā