Collections

Lab Shayari

Motivational Ghazals

Best Khamoshi Shayari

More Collections

Tags-Zindagi

ek ik saañs pe dete rahe jiine kā ḳhirāj
zindagī ne na kiyā tark taqāzā apnā

ek muddat se adhura hai sarapa apna

zindagī kī aas bhī kyā aas hai
mauj-e-dariyā par diyā jaltā rahā

aastin mein sanp ek palta raha

zindagī kis tarah basar hogī
dil nahīñ lag rahā mohabbat meñ

zindagi kis tarah basar hogi

zindagī kī huuñ be-nishānī bhī
maiñ kisī gor kā nishāñ bhī huuñ

ye zamin hun wo aasman bhi hun

zindagī apnī kitāboñ meñ chhupā le varna
tere aurāq ke mānind bikhar jā.ūñgā

KHud pukaregi jo manzil to Thahar jaunga

aa.e Thahre aur ravāna ho ga.e
zindagī kyā hai, safar kī baat hai

irtikab-e-jurm shar ki baat hai

nāsehā gar ho sake manzil pe mil
zindagī to rah-guzar kī baat hai

irtikab-e-jurm shar ki baat hai

maiñ tujh ko pheñk bhī saktā thā zindagī lekin
kisī umiid pe ye bojh Dho rahā huuñ abhī

KHud apne qatl ka ilzam Dho raha hun abhi

zindagī kyā hai ik safar ke sivā
ek dushvār rahguzar ke sivā

zindagi kya hai ek safar ke siwa

shahr kī be-charāġh galiyoñ meñ
zindagī tujh ko DhūñDtī hai abhī

dil mein ek lahr si uThi hai abhi

vaqt achchhā bhī aa.egā 'nāsir'
ġham na kar zindagī paḌī hai abhī

dil mein ek lahr si uThi hai abhi

jinheñ aatā ho fan auroñ ke ġham apnā.e jaane kā
unheñ tā-zindagī duniyā meñ koī ġham nahīñ hotā

kabhi jabr-o-sitam ke ru-ba-ru sar KHam nahin hota

thiiñ sajī hasrateñ dukānoñ par
zindagī ke ajiib mele the

hum to bachpan mein bhi akele the

husn-e-kirdār se hastī ko sajā lo 'vasfī'
zindagī nazr-e-ḳhurāfāt na hone paa.e

koi nazr-e-gham-e-haalat na hone pae

shaam ko zindagī karne vaale rañg-birañge phuul
phuul vo saare rah ga.e pyāre dariyā ke us paar

khile hue hain phul sitare dariya ke us par

pūchhtā kyā hai hamārī zindagī
jiite haiñ par maut ke armān meñ

dil pe aafat aai ab ek aan mein

shatranj jaisī mujh ko lage hai ye zindagī
chalnā har ek chaal samajhdār kī tarah

tera suluk mujhse hai aghyar ki tarah

talḳhī-e-zindagī meñ bhī paane lage miThās
aajiz haiñ apnī fitrat-e-kām-o-dahan se ham

chhup kar na rah sake nigah-e-ahl-e-fan se hum

ik dam kī zindagī ke liye mat uThā mujhe
ai be-ḳhabar maiñ naqsh-e-zamīñ kī nishast huuñ

leta hai jaan meri to mein sar-ba-dast hun

zindagī kyā hai ka.ī baar ye sochā maiñ ne
ḳhvāb se pahle kisī ḳhvāb kā manzar hogā

aur kya mere liye arsa-e-mahshar hoga