Tags-Zindagi

bikharte kārvāñ ye irtiqā ke
sarāsīma sā zauq-e-zindagī hai

zindagī āzār thī āzār hai tere baġhair
kār-e-sahl-e-marg bhī dushvār hai tere baġhair

kyā batā.ūñ kis tarah ab kaT rahī hai zindagī
merī har har saañs ik talvār hai tere baġhair

vo ek baar mire jin ko thā hayāt se pyaar
jo zindagī se gurezāñ the roz marte the

vaqf kar ke zindagī kī sā.ateñ tere liye
apne sar liiñ maiñ ne kyā kyā āfateñ tere liye

barf meñ dabā makkhan maut rail aur rickshaw
zindagī ḳhushī rickshaw rail motareñ Dolī

terī mahfil meñ ki maqtal meñ kahīñ dekhā thā
zindagī se mirī bas itnī shanāsā.ī hai

zindagī se paas lekin husn ke qisse se duur
ham ġhazal rakhte haiñ apnī zulf ke saa.e se duur

zabt karnā kitnā mushkil thā mujhe ma.alūm hai
zindagī ko phir bhī rakkhā maiñ ne har fitne se duur

ham dekhne kā Dhañg samajhte rahe 'adīm'
itne meñ zindagī kā tamāshā guzar gayā

zindagī meñ aisī kuchh tuġhyāniyāñ aatī rahīñ
bah ga.iiñ haiñ umr bhar kī nekiyāñ dariyāoñ meñ

zindagī maut ke āġhosh se paidā karnā
Duub kar bahr meñ tūfān se khelā karnā

chalo ye zindagī zinda-dilī se jiite haiñ
baḌhegā is tarah kuchh to vaqār sāñsoñ kā

ham is ko zindagī samjheñ to kis tarah 'arshad'
kisī ke haath meñ hai iḳhtiyār sāñsoñ kā

maut kyūñ-kar najāt baḳhshegī
zindagī tū ne kyā diyā mujh ko

vaqt mahdūd diyā kaam diyā lā-mahdūd
zindagī bol tirā qarz chukā.ūñ kaise

vo log jin ko hayāt apnī ġhamoñ meñ Duubī huī milegī
agar mire saath saath aa.eñ to ik na.ī zindagī milegī

unhīñ ko haañ bas unhīñ ko ai 'qais' manzil-e-zindagī malegī
musībatoñ ke hujūm meñ bhī laboñ pe jin ke hañsī malegī

qasam hai tum ko mire muqaddar kī yuuñ savāro na apnī zulfeñ
tumhīñ agar uljhaneñ na doge to phir kahāñ zindagī milegī

nazar uThā ki mirī zindagī kahe labbaik
maiñ kho na jā.ūñ kahīñ ik zarā pukār mujhe