Tags-Zindagi

zindagī mere tasarruf meñ thī vo kyā kartā
merī buniyād meñ tūfān thā tum jānte the

ahl-e-dil ke vāste paiġhām ho kar rah ga.ī
zindagī majbūriyoñ kā naam ho kar rah ga.ī

zindagī kā safar tai to karte rahe
raat kaTtī rahī din guzarte rahe

kisī kī ik ġhalat-fahmī
kisī kī zindagī kā dukh

lamha-e-hijr apnī vus.at meñ, aap lazzat hai, zindagī bhar kī
tum bhī 'ḳhālid-moīn' yuuñ karnā, umr sarf-e-visāl mat karnā

inhīñ se mujh ko milā azm-e-zindagī 'ajmal'
maiñ jāntā huuñ ki kyā hai maqām phūloñ kā

nashtar se aarzū ke dil-e-zindagī figār
ḳhud zindagī vajūd ke siine meñ nok-e-ḳhār

kī rahbarī ḳhayāl-e-lab-e-yār tak mirī
ai tishnagī-e-shauq mirī zindagī nisār

samajhte the rahegī zindagī mahdūd-e-gul-bulbul
magar taḳhrīb-e-nazm-e-gulistāñ tak baat jā pahuñchī

tujh pe jaañ dene ko tayyār koī to hogā
zindagī terā talabgār koī to hogā

duniyā meñ tujh ko hai agar armān-e-zindagī
tadbīr se tū bāñdh le paimān-e-zindagī

tāb-o-tab-e-amal ḳhalish-e-koshish-e-davām
un se baham pahuñchtā hai sāmān-e-zindagī

kar le rafū tū joshish-e-kirdār se ise
kyuuñ kar rahā hai chaak garebān-e-zindagī

jis zindagī meñ josh-e-ḳhudī kā na ho ḳhayāl
vo zindagī nahīñ kabhī shāyān-e-zindagī

kar nuuh ban ke us kā to har-dam muqābla
tūfān-e-zindagī hai ye tūfān-e-zindagī

mahdūd tū samajhne lagā hai ise magar
be-intihā vasī.a hai maidān-e-zindagī

jāda-e-marg-e-musalsal se guzartā jā.ūñ
zindagī ye hai ki har saañs meñ martā jā.ūñ

qaid kī tarah kāTte haiñ sab
kis ne ye zindagī guzārī hai

dil-lagī lamha-bhar kī hai lekin
zindagī-bhar kī be-qarārī hai

ishq meñ aabrū ḳharāb huī
zindagī sar-ba-sar azaab huī