Tags-Zindagi

rakhte haiñ ham bhī jur.at-e-iz.hār-e-zindagī
mahrūmiyoñ kā ḳhauf agar Tal ke dekh le

Dhale haiñ in meñ mirī zindagī ke shām-o-sahar
haiñ mere sher hikāyāt-e-muḳhtasar kī tarah

baḌhtā jaatā hai tūl-e-gesū-e-yār
ghaTtī jaatī hai zindagī dil kī

ab koī nisf daam pe bhī pūchhtā nahīñ
ye zindagī nisāb se ḳhārij kitāb hai

kahīñ duur aa ga.ī thī maiñ hudūd-e-zindagī se
mire paas vāpsī kā koī rāsta nahīñ thā

rahī saath zindagī ke maiñ kuchh aise zindagī bhar
mirā zindagī se jaise koī vāsta nahīñ thā

murda adab ko dī hai na.ī zindagī magar
bīmār ḳhud paḌe to davā ko taras ga.e

zindagī kā kuchh e'tibār nahīñ
maut ke sau bahāne hote haiñ

zindagī kyā hai ġham hai kyā sochte sochte yūñhī
mujh ko hañsī jo aa ga.ī zehn kā bojh utar gayā

ye bhī ḳhudā kā fazl hai merī navā-e-zindagī
auroñ ke kaam aa ga.ī zehn kā bojh utar gayā

zindagī jurm to nahīñ lekin
ho ke sarzad banā rahā huuñ maiñ

zindagī se Darī rahūñgī maiñ
zindagī saa.e se Darī rahegī

zindagī roz ghaTtī jaatī hai
mas.ale roz baḌhte jaate haiñ

DhūñDh legā aap manzil kārvān-e-zindagī
ġhair kā ehsān kyuuñ leñ himmat-e-mardāna ham

zinda rahnā siikh kar bhī maiñ ne shāyad
zindagī ko durd-e-tah tak

zindagī be-vafā hai ai 'ārif'
itne sapne na paal āñkhoñ meñ

jise log kahte haiñ zindagī vo to hādsoñ kā hujūm hai
vo to kahiye merā hī kaam thā ki maiñ darmiyāñ se guzar gayā

zindagī ek ḳhvāb hai
mere liye mohabbat kā tavīl aur aziyyat-nāk ḳhvāb

zindagī
is baar terī haar tai hai

phir vahī rahguzar hai kyā kahiye
zindagī raah par hai kyā kahiye