Tags-Zindagi

zindagī kitnī hasīñ kitnī baḌī ne.amat hai
aah maiñ huuñ ki use pā ke bhī sharminda huuñ

zulmat-e-shab-e-ġham meñ zindagī kī rāhoñ par
sham.a-e-ārzū ham ne muddatoñ jalā.ī hai

tum hī gesuoñ vaalo chhāñv le ke aa jaao
zindagī kī rāhoñ par tez dhuup chhā.ī hai

zindagī tujh pe girāñ hai tū maregā kaise
jis ko ronā nahīñ aatā vo hañsegā kaise

nisār us pe huuñ maiñ jis kī zindagī 'sāqī'
bashar ke auj kī ā.īna-dār guzrī hai

zindagī ko mo'atabar bhī kījiye
ġham ko merā ham-safar bhī kījiye

zindagī ne ḳhuub 'ahsan' kar diyā
qissa-e-ġham muḳhtasar bhī kījiye

hamārī zindagī beva dulhan bhīgī huī lakḌī
jaleñge chupke chupke sab dhuāñ koī nahīñ degā

nīm-jāñ huuñ zindagī dūd-e-charāġh-e-kushta hai
merī hastī sūrat-e-būd-e-charāġh-e-kushta hai

maiñ us ko dekh ke āñkhoñ kā nuur kho baiThā
ye zindagī mirī āñkhoñ se kyuuñ nihāñ na rahī

rahe jo zindagī meñ zindagī kā aasrā ho kar
vahī nikle sarīr-ārā qayāmat meñ ḳhudā ho kar

aas ke jugnūo sadā kis kī
zindagī raushnī meñ guzrī hai

tirā qurb garche thā jāñ-gusil vahī qurb thā mirī zindagī
tire baad marg-o-hayāt kī vo rifāqateñ bhī chalī ga.iiñ

mirī aarzū thī ki jāñ-ba-kaf mirī justujū ki nafas ba-pā
ab ai zindagī mujhe chhoḌ jā ki ye hālateñ bhī chalī ga.iiñ

maiñ kisī darvesh ke lab kī duā ho jā.ūñgā
be-sahārā zindagī kā aasrā ho jā.ūñgā

tire ġhamoñ se ibārat hai ab ḳhushī merī
guzar rahī hai salīqe se zindagī merī

ye aur baat ki jiine kā lutf aa na sakā
tire baġhair bhī guzrī hai zindagī merī

jurm aadam ne kiyā aur nasl-e-ādam ko sazā
kāTtā huuñ zindagī bhar maiñ ne jo boyā nahīñ

har lamha tere ishq meñ umr-e-abad banā
jo din bhī zindagī ke mile aarzī na the

ye kūche ye nīlām ghar dilkashī ke
ye luTte hue kārvāñ zindagī ke