Tags-Badan

ujālā sā hai us ke chāroñ taraf
vo nāzuk badan paañv bhārī lage

phuul sī bāteñ phuul sā lahja phuul se lab the phuul se gaal
lekin shāḳh-e-badan ke saare ḳhaar bahut nokīle the

dekhne vaale māl-o-zar kyā jaan luTāyā karte the
ḳhadd-o-ḳhāl badan ke kitne mahñge the ḳharchīle the

badan ko kaso aur bas muskurā do
utar jaao ab āḳhirī baar dil meñ

bajtī huī ḳhuun kī ravānī
ḳhvāhish kī giraft meñ badan hai

use batāyā nahīñ hai ki maiñ badan meñ nahīñ
jo baat sab se zarūrī hai vo abhī nahīñ kī

biphrā huā badan kisī qātil se kam na thā
ham bhī vufūr-e-shauq meñ talvār ho ga.e

jī chāhtā hai haath lagā kar bhī dekh leñ
us kā badan qabā hai ki us kī qabā badan

jhuktī huī nazar ho ki simTā huā badan
har ras-bharī ghaTā ko baras jaanā chāhiye

ye dil meñ hai ki saare ashk pī kar
badan ko miTTī gaarā kar kiyā jaa.e

jhulsā jhulsā hai kyuuñ badan saarā
aa ga.ī dhuup sā.ebān meñ kyā

ho gayā nīlgūñ badan saarā
tiir zahrīle the kamān meñ kyā

ubhar jo aa.e sar-e-shām ātishīñ lamhe
safar meñ barf-badan der tak pighalte rahe

vahshī kirneñ phuul badan se mahak churāne aatī haiñ
jab tak phuul ke dam meñ dam hai tanhā degā pahre rañg

badan kī aag ko kahte haiñ log jhūTī aag
magar us aag ne dil ko mire gudāz kiyā

mom sā us kā badan hai yahī kahte haiñ sab
jī meñ aatā hai chalo aaj use chhū kar dekheñ

maiñ tishna thā mujhe sar-chashma-e-sarāb diyā
thake badan ko mire pattharoñ meñ daab diyā

badan kā husn damaktā hai raat añdhere meñ
ik āftāb-e-sahar be-sahar bhī aatā hai

apne badan se lipTā huā aadmī thā maiñ
mujh se chhuḌā ke mujh ko batā kaun le gayā

mahaktā thā badan har vaqt jis ke lams-e-ḳhush-bū se
vahī gul-dasta dahlīz-e-ḳhizāñ par chhoḌ denā thā