Tags-Aah

mohabbat donoñ jānib se mohabbat
na pūchho aah kaisī zindagī hai

jab se hai ham se judā aah vo rashk-e-mah-o-mahr
muñh lapeTe haiñ bas aur hai yahī dhyāñ aaTh pahar

dil ke lagne se ye dekhā ki lage rahte ham aah
ḳhud-baḳhud muztarib-ul-hāl nadāñ aaTh pahar

jab aayā aah tab apne hī sar par
gayā ye haath kab us kī kamar tak

ham ne ik āh-e-sard ko sham-e-sahar ke saath
rūdād-e-nā-tamām kā hāsil banā diyā

aah vo harf-e-tamannā ki na lab tak aa.e
haa.e vo baat ki ik ik kī zabāñ tak pahuñche

kyā kabk ko dikhlāte ho andāz-e-ḳhirām aah
hasrat-zada-e-shoḳhi-e-raftār to ham haiñ

aah ke qabze meñ hai tāsīr yā
teġh hai dast-e-alam-bardār meñ

lab-e-ḳhamosh mujhe aah aah karne de
gunāh ishq sahī ye gunāh karne de

tāzgī daaġh kī har shaam ko be-hech nahīñ
aah kyā jaane diyā kis kā bujhāyā ham ne

vo bajā.e aah 'fārūq' abhī vaah kar rahe haiñ
abhī dard se hai ḳhālī ye navā-e-āshiqāna

mujh aah kī garmī siiñ jhaḌe phuul chaman ke
ai sarv-e-gulistān-e-adā baaġh meñ jā dekh

shukr-e-ġham hai ki dil ke maidāñ meñ
aah o naale ke haiñ nishān khaḌe

vo zard chehra mo.attar nigāh jaisā thā
havā kā ruup thā bolo to aah jaisā thā

ye husn hai aah yā qayāmat ki ik bhabhūkā bhabhak rahā hai
falak pe sūraj bhī thartharā kar muñh us kā hairat se tak rahā hai

muttasil laḳht-e-jigar karte haiñ āñkhoñ se sadā
aah kis āshiq-e-ġham-dīda kī mizhgāñ haiñ ham

fikr-e-jam.iyyat-e-dil ham ko kahāñ aah 'hasan'
ḳhātir-āshufta-e-gesū-e-pareshāñ haiñ ham

dahr pur-shor hai hāthoñ se hamāre ai aah
āfrīnash meñ magar nāla-o-afġhāñ haiñ ham

tā-dasht-e-adam āh-e-rasā le ga.ī mujh ko
jab ḳhaak huā maiñ to havā le ga.ī mujh ko

na.ī sub.h par nazar hai magar aah ye bhī Dar hai
ye sahar bhī rafta rafta kahīñ shaam tak na pahuñche