Tags-Aah

martā hai jo mahbūb kī Thokar pe 'nazīr' aah
phir us ko kabhī aur koī lat nahīñ lagtī

ye be-ḳhabarī dekh ki jab ham-safar apne
kosoñ ga.e tab aah ḳhabar-dār hue ham

ġhaflat meñ kaTī umr na hushyār hue ham
sote hī rahe aah na bedār hue ham

na uThe aah kā dhuāñ bhī ki vo
kū-e-dil meñ ḳhirām kar rahe haiñ

mirī jaarī haiñ aañsū aah qāsid
shitābī kah ye us ko mājrā jā

rakhī hai chaah terī aah betāb
qalaq is mere dil kā tū miTā jā

pher roz-e-firāq-e-yār aayā
nāma-bar aah zaar zaar aayā

maqsad-e-ulfat ko kar lo pahle 'shaidā' dil-nashīñ
varna har āh-o-fuġhāñ be-mudda.ā ho jā.egī

faash rāz-e-dil nahīñ kartā magar ye Dar to hai
be-ḳhudī meñ aah lab se āshnā ho jā.egī

in shāndār mahloñ ko kyā karūñ maiñ le kar
lagtā nahīñ hai merā dil aah in meñ dam bhar

rahā ye paas hameñ aap kī nazākat kā
ki dil kā ḳhuun huā muñh se aah kar na sake

aah ham haiñ aur shikasta-pā.iyāñ
ab kahāñ vo bādiya-paimā.iyāñ

aah marg-e-ādmī par aadmī ro.e bahut
koī bhī royā na marg-e-ādamiyat ke liye

yuuñ lab se apne nikle hai ab bār-bār aah
kartā hai jis tarah ki dil-e-be-qarār aah

kahne bhī kuchh na paa.e the āh-e-rasā se ham
sunñā paḌā ki aaj laḌeñge havā se ham

aah is dāġh-e-dil se jis se ki dast
nit sū-e-āsmān rakhtī hai sham.a

sadā hai is āh-o-chashm-e-tar se falak pe bijlī zamīñ pe bārāñ
nikal ke dekho tum apne ghar se falak pe bijlī zamīñ pe bārāñ

gale meñ Daal rusvā.ī kī alfī
alif khiñch aah kā be-nañg ho jā

hasrateñ thiiñ raqs meñ sāz-e-tarab thī āh-e-dil
aish duniyā-bhar kā mere ek ġham-ḳhāne meñ thā

aah 'sābir' jab huā merā safīna ġharq-e-āb
maiñ thā majbūrī thī aur koī lab-e-sāhil na thā