Tags-Aaina

na jaane kis liye rotā huuñ hañste hañste maiñ
basā huā hai nigāhoñ meñ ā.īna koī

intiḳhāb-e-nigah-e-shauq ko mushkil bhī nahīñ
koī ā.īna tirā aaj muqābil bhī nahīñ

ā.īna-bardār ḳhuld-e-shauq vo lauh-e-jabīñ
vo charāġh-e-tūr rū-e-pur-ziyā kal raat ko

tū bhī gul ke ā.īne par khīñch de tasvīr-e-husn
maiñ bhī bulbul ko sunā.ūñ baaġh meñ taqrīr-e-ishq

latīf pardoñ se the numāyāñ makīñ ke jalve makāñ se pahle
mohabbat ā.īna ho chukī thī vajūd-e-bazm-e-jahāñ se pahle

haath meñ hai ā.īna o shāna phir bhī shikan peshānī par
mauj-e-sabā se tum na bigḌo zulfoñ ko bal khāne do

hastī ke har ik moḌ pe ā.īna banā huuñ
miT miT ke ubhartā huā naqsh-e-kaf-e-pā huuñ

apnī sūrat lagī parā.ī sī
jab kabhī ham ne ā.īna dekhā

maiñ rah na jā.ūñ kahīñ terā ā.īna ban kar
ye dekhnā nahīñ achchhā sañvar sañvar ke mujhe

ā.īna-o-dil donoñ kahne hī kī bāteñ thiiñ
terī hī tajallī thī aur tū hī muqābil thā

ġham husn-e-mukammal thā dil hairat-e-kāmil thā
tasvīr kā ā.īna tasvīr ke qābil thā

mirā hamdard hai ā.īna 'nāzim'
maiñ rotā huuñ to ye hañstā nahīñ hai

dil-e-raushan hai raushan-gar kī manzil
ye ā.īna sikandar kā makāñ hai

huur ke zikr par ā.īna uThā kar dekhā
us se īmāñ hai ki merā hī jamāl achchhā hai

maiñ to hairān pareshān yahī sochtī huuñ
ā.īna ḳhāne se hairat bhī chalī jaa.e agar

is tarah husn-o-mohabbat kī karo tum tafsīr
mujh ko ā.īna kaho aur unheñ tasvīr kaho

maiñ ne to ba.ad meñ toḌā thā ise
ā.īna mujh pe hañsā thā pahle

TuuTā huā ā.īna jo raste meñ paḌā thā
sūraj kī tarah merī nigāhoñ meñ chubhā thā

sañg o aahan to bane ā.īne un kī ḳhātir
dil na ā.īna banā saḳht ye hairānī hai

maidān-e-kār-zār meñ aa.e vo qaum kyā
jis kā javān ā.īna-ḳhāne meñ rah gayā