Tags-Aaina

maiñ ā.īna to nahīñ huuñ pa ek soch meñ huuñ
tū ḳhud-numā.ī ke jauhar kahāñ chhupā aayā

ik shikast-e-ā.īna ban ga.ī hai sāneha
TuuT jaa.e dil agar koī hādsa nahīñ

kyā kam huuñ sikandar se agar dekhiye mujh ko
ā.īna-sifat mālik-e-ḳhushkī-o-tarī huuñ

aks-e-falak par ā.īna hai raushan aab zaḳhīroñ kā
garm-e-safar hai qāz-e-qāfila sail-e-ravāñ hai tīroñ kā

mulzim kiyā hai aah kisī ne mujhe ba-aks
ā.īna-rū kā apne maiñ jis se gila kiyā

jo reza reza nahīñ dil use nahīñ kahte
kaheñ na ā.īna us ko jo pāra-pāra nahīñ

ā.īna sā añdherī raat kā maiñ
ḳhvāb huuñ ḳhvāhish-e-nashāt kā maiñ

af.ī nahīñ khulī huī zulfoñ kā aks hai
jaate kahāñ ho ā.īna o shāna chhoḌ kar

haTāo ā.īne ko ḳhudārā laboñ pe aayā hai dam hamārā
banāv tum dekhte ho apnā yahāñ hai dhaḌkā ki raat kam hai

piile pathrīle hāthoñ meñ
niilī jhiil kā ā.īna thā

kitne chehre uThā.e phirtā huuñ
ā.īna phir bhī jāntā hai mujhe

ham apne aks ko ā.īna karne vaale the
pe ek lamha-e-hairāñ meñ jal bujhe ham log

ye sun ke udhar us ne kiyā ġhusse meñ muñh surḳh
bhabkā idhar ā.īna bhī ham-sar ho ġhazab kā

jab ham ne kahā rakhiye ab ā.īna ko ye to
hissa hai kisī aur bhī dīdār-talab kā

dekhā jo baḌī der talak us ne muñh apnā
le dast-e-hinā-basta meñ ā.īna halab kā

gaahe gaahe suḳhan zarūrī hai
sāmne ā.īna nahīñ maiñ huuñ

jauhar-e-ā.īna dil hai vo tasvīr hai tū
dil vo ā.īna ki tū dekh ke hairāñ ho jaa.e

kis kī āñkhoñ kī hidāyat se mujhe dekhtā hai
ā.īna apnī firāsat se mujhe dekhtā hai

ye kahnā tum se bichhaḌ kar bikhar gayā 'tishna'
ki jaise haath se gir jaa.e ā.īna kahnā

gar hai dīdār-talab saaf kar apne dil ko
rū-ba-rū us ke to ā.īna-dilāñ jaate haiñ