Tags-Bisaat

qalandaroñ ne ulaT dī bisāt-e-mai-ḳhāna
na riñd se huā aur kuchh na pārsā se huā

aayā thā koī zehn tak aa kar palaT gayā
lekin bisāt-e-dil to hamārī ulaT gayā

vahāñ khule bhī to kyūñkar bisāt-e-hikmat-o-fan
mile har ek jabīñ par jahāñ shikan hī shikan

bisāt-e-anjum-o-mah ho ki mai-kade kā ḳharosh
ye bazm rañg pe aatī hai apnī raat Dhale

ham 'e.atibār' us kī har shikast meñ sharīk the
magar bisāt se alag uThā ke rakh diyā hameñ

mirī bisāt se 'az.har' bahut ziyāda thiiñ
tavaqquāt jo rakhtā thā mujh se yaar mirā

bisāt-e-dahr pe kyā chaal kāmyāb chale
tirī nazar meñ agar azmat-e-piyāda nahīñ

phir is ke ba.ad jo honā hai ho rahe sar-e-dast
bisāt-e-āfiyat-e-jāñ ulaT ke dekhte haiñ

adnā samajh rahe ho hamārī bisāt ko
yaaro sabāt-e-azm sar-e-dār dekhnā

is tarah ruḳh pherte ho sunte hī bose kī baat
shāh-e-ma.ashūqāñ ke aage kyā hai ye etī bisāt

bisāt hī to hai kyā jaane kab ulaT jaa.e
yahāñ pyāda-o-farzīñ kā e'tibār nahīñ

hilāl-e-īd banā hai kalīdī-e-aish-o-nashāt
jahāñ meñ bichh ga.ī phir se masarratoñ kī bisāt

bisāt-e-jāñ meñ rahā raqs ḳhvāhishoñ kā magar
chhalak ke āñkhoñ se ashkoñ ne kah diyā afsos

bazm-e-tarab bisāt-e-masarrat fareb haiñ
maiñ aish-e-musta.ār kā qaa.el nahīñ rahā

ḳhunuk havāoñ kā maskan bisāt-e-ḳhāk mirī
lahū kī aañch kā gahvāra māhtāb mirā

bisāt-e-rañg-o-bū ātish-fishāñ mālūm hotī hai
rag-e-gul meñ nihāñ barq-e-tapāñ mālūm hotī hai

kitnī sadiyoñ kī qismatoñ kā maiñ
koī samjhe bisāt-e-lamha kyā

mire saath jugnū hai ham-safar magar is sharar kī bisāt kyā
ye charāġh koī charāġh hai na jalā huā na bujhā huā

muqābil apne koī hai zarūr kaun hai vo
bisāt-e-dahr hai baazī bichhī hai aur maiñ huuñ

dil kī bisāt kyā thī nigāh-e-jamāl meñ
ik ā.īna thā TuuT gayā dekh-bhāl meñ