Tags-But

sanam aur aisā ki but us ke aage jhuk jaa.eñ
duā dī us ne to do deviyoñ kī god bharī

kisī tarah jo na us but ne e'tibār kiyā
mirī vafā ne mujhe ḳhuub sharmsār kiyā

jā but-kade meñ dekhā chashm-e-yagāñgī suuñ
haq bin nahīñ disyā gar uzzā-o-lāt paayā

terī chuTkī kī sadā hai yā ki shaitāñ kā ḳharosh
rahm kar insāniyat par o but-e-ismat-farosh

husn-e-jahāñ-faroz se jis jā na the vo but
maiñ be-nishāniyoñ se jahāñ thā vahāñ na thā

vo but hī kahūñ zamīñ pe jo bala-garāñ na thā
ham-sañg lekin us kā magar āsmāñ na thā

kis be-dilī se hijr meñ kī ham ne zindagī
dil thā kahāñ ki yahāñ vo but-e-dilsitāñ na thā

ai ḳhudā shāhid hamārā summa-vaj.hullāh hai
jab nigah kī but pe tujh se chaar āñkheñ ho ga.iiñ

ai but-e-kāfir hai bas be-aib zaat allāh kī
lab tire iisā hue bīmār āñkheñ ho ga.iiñ

dil-e-nādāñ kī hai kyā asl agar buqrāt bhī hotā
to aatā vo bhī dam meñ us but-e-ayyār-o-pur-fan ke

marā huuñ ik but-e-ġhārat-gar-e-dīñ kī mohabbat meñ
kafan merā sile tāroñ se zunnār-e-barhaman ke

qadam kyūñ-kar na luuñ but-ḳhāne meñ ik ik barhaman ke
ki aayā huuñ yahāñ maiñ shauq meñ ik but ke darshan ke

paa.eñ kyā dīvāna-e-miz.hgāñ but-e-tarsā meñ lutf
sozan-e-īsā meñ nok-e-ḳhak-e-shahrā.ī nahīñ

ban ke but sab vo kah guzarte haiñ
be-dahānī tirā javāb nahīñ

azal se haq-parastī but-parastī sunte aate haiñ
magar ye aap kā mashrab nirālā ḳhud-parastī hai

zaḳhmoñ ke bayābāñ meñ koī phuul na patthar
yādoñ ke jazīre meñ na but haiñ na ḳhudā hai

āḳhirī but ḳhudā na kyuuñ Thahre
but-shikan but-garī ko bhuul gayā

ai dost ham se kufr-e-mohabbat kā dars le
asrār-e-kāfirī na but-e-barahman se pūchh

paḌhte haiñ dekh ke us but ko farishte bhī darūd
marhabā salle-alā salle-alā kyā kahnā

dekhiye kaun sī jā yaar kā miltā hai pata
koī ka.abe ko chalā hai koī but-ḳhāne ko