Tags-Dard

gayā to dard-e-sar par hasrat-e-zaḳhm-e-doyam rah ga.ī
vagarna ham tirī shamshīr ke maare haiñ ehsāñ ke

phir huā dard-e-tamannā bedār
phir dil-e-ḳhāk-basar yaad aayā

kisī se bhuul kar apnā kabhī mat dard-e-dil kahnā
yahāñ maañ ke alāva ab duā.eñ kaun kartā hai

ai ġham-e-dil ye mājrā kyā hai
dard-e-ulfat se vāsta kyā hai

chhūTe na kabhī phūloñ kā nagar koshish to yahī hai apnī magar
ik roz uḌā le jā.egī pattoñ kī tarah be-dard havā

maiñ vo marīz huuñ pyāre ki jin ne muddat se
sivā-e-dard na ārām yak-zamāñ dekhā

ġham-e-jigar-shikan o dard jāñ-sitāñ dekhā
tumhāre ishq meñ kyā kyā na mehrbāñ dekhā

kaun parāyā dard sameTe kaun kisī kā yaar bane
apnā zaḳhm hai apnā pyāre logoñ ko dikhlāo to kyā

ye be-mausam jo purvā.ī bahut hai
surūr-e-dard-e-tanhā.ī bahut hai

dard āñkhoñ se bahtā hai aur chehra sab kuchh kahtā hai
ye mat likkho vo mat likkho aa.e baḌe samjhāne vaale

dard furqat fuġhāñ ḳhalish nafrat
ye asāsa mujhe milā hī nahīñ

chāragar ko ḳhabar nahīñ shāyad
dard-e-dil kī kuchh davā hī nahīñ

terā ġham bhī na ho to kyā jiinā
kuchh tasallī hai dard hī se mujhe

vo jo pahlā dard thā kis kā thā
ye jo āḳhirī hai ye kaun hai

havā-e-dard ne mohlat na dī sambhalne kī
nuqūsh-e-yād sameTe to maiñ bikharne lagā

dard kī kaun sī manzil se guzarte hoñge
ḳhvāb ke paañv zamīnoñ pe utarte hoñge

manzar-e-dard ne ehsās na rakkhā baaqī
dekh lete haiñ magar hosh kahāñ hotā hai

har qadam ġham kī salīboñ se guzarnā hogā
marhala dard kā āsān kahāñ hotā hai

ashk āñkhoñ se dam-e-zabt ravāñ hotā hai
jab koī dard haqīqat kī zabāñ hotā hai

ḳharāsh-e-dard kā ā.īna huuñ mujhe dekho
ye bāñkpan bhī kahāñ hai kisī ke chehre par