Tags-Dard

ai ashk machaltī chiñgārī tū dard hai ḳhud paiġhām nahīñ
āñkhoñ meñ kabhī palkoñ pe kabhī tujh ko bhī kahīñ ārām nahīñ

mohabbat be-sahārā to nahīñ hai
mirā dard-e-nihāñ hai aur maiñ huuñ

na jaane kahiye kis qālib meñ 'qā.em' dard-e-dil us se
nahīñ bantī zabāñ se dil meñ jo tamhīd karte haiñ

huuñ dard-mand tumhārā magar ye mat socho
jo tum kahoge vahī mū-ba-mū karūñgā maiñ

har ik ko dard kī lazzat se āshnā kar ke
maze meñ rahtī hai sab ko maze meñ rakhtī hai

paidā kiyā hai jhūTe masīhāoñ ne jise
us dard ke shikār haiñ mere yahāñ ke log

yahāñ to aur bhī rahte haiñ ahl-e-dard 'shafaq'
tumheñ paḌos ke ghar kā ḳhayāl kyuuñ aayā

shahr-e-saffāk kī be-dard guzargāhoñ meñ
jagmagāte haiñ charāġh-e-sar-e-maqtal kyā kyā

be-niyāzī hī tirī hāsil mohabbat kā sahī
chashm-e-hairat ko to phir bhī dard kā paanī na de

'anjum' ne aañkh khol ke dard-o-alam jo dekhe haiñ
auroñ ne ḳhvāb meñ agar dekhe to aise ḳhvāb kyā

milā hai dard-e-mohabbat bhī ik zamāne ke ba.ad
mujhe ḳhushī ye manānī bhī hai alag sab se

nikalte haiñ kar ke ġhol-bandī ba-nām-e-tahzīb o dard-mandī
ye kah ke lete haiñ sab se chande hameñ jo tum do tumheñ ḳhudā de

kabhī sahar to kabhī shaam le gayā mujh se
tumhārā dard ka.ī kaam le gayā mujh se

dard ho dukh ho to davā kiije
phaT paḌe āsmāñ to kyā kiije

dekh bedard zamāne kī zabūñ-hālī dekh
ek shāna nahīñ miltā hai jahāñ rone ko

nañg-e-karam hai soz-e-alam se ahl-e-dil kī mahrūmī
dard-e-ishq matā-e-jāñ hai sāhib kuchh to ḳhayāl kareñ

jaan se baḌh kar dil hai pyārā dil se ziyāda jaan aziiz
dard-e-mohabbat kā ik tohfa kis kis ko irsāl kareñ

har ik dard ko apnā jāneñ har ik ġham ko apnā.eñ
ḳhvāh kisī kī daulat-e-ġham ho dil ko mālāmāl kareñ

laakh chāhā ki na fariyād kareñ ham lekin
dard-e-furqat na rahā zabt ke qābil apnā

dard ke siip meñ paidā huī bedārī sī
raat kī raakh meñ sulgī koī chiñgārī sī