Tags-Dard

tumhāre ġham ke sivā aur koī ġham bhī na thā
tumhāre dard mire dard kī asaas rahe

sho.ala-e-dard ba-unvān-e-tajallā hī sahī
lutf-e-dīvāngī-o-zauq-e-tamāshā hī sahī

kyā batā.eñ kyā kamāyā ishq meñ
dard hai dil meñ na āñkhoñ meñ namī

ġham sabhī dil se ruḳhsat hue
dard be-intihā rah gayā

jaam kyā kyā na ḳhālī hue
dard se dil bharā rah gayā

rah gayā dil meñ ik dard sā
dil meñ ik dard sā rah gayā

ġham se mansūb karūñ dard kā rishta de duuñ
zindagī aa tujhe jiine kā salīqa de duuñ

dil ke ġham ne dard-e-jahāñ se mil ke baḌā bechain kiyā
pahle palkeñ pur-nam thiiñ ab aariz bhī namnāk hue

har choT kā hāsil haiñ bilakte hue aañsū
ye dard ye ġham qismat-e-insāñ to nahīñ hai

bahār dard bharā iqtibās chhoḌ ga.ī
har ik shajar kā badan be-libās chhoḌ ga.ī

jaise jaise dard kā pindār baḌhtā jaa.e hai
e'timād-e-lazzat-e-āzār baḌhtā jaa.e hai

ab apne dard ko sahnā bahut hī mushkil hai
zarā hai zaḳhm ko gahrā samajh rahe haiñ ham

abhī abhī mirī āñkhoñ ne kho diyā us ko
vo dard ban ke mirī siskiyoñ meñ thā ab tak

ye be-dardiyāñ kab tak ai dard-e-ġhurbat
butoñ ko phir arz-e-haram meñ basā deñ

zaḳhm kaise phalte haiñ daaġh kaise jalte haiñ dard kaise hotā hai koī kaise rotā hai
ashk kyā hai naale kyā dasht kyā hai chhāle kyā aah kyā fuġhāñ kyā hai tum na jaan pāoge

dil-e-hasrat-zada thā mā.ida-e-lazzat-e-dard
kaam yāroñ kā ba-qadr-e-lab-o-dandāñ niklā

kahāñ hai dard dil meñ jo kaho haa.e
mazā degā hamārā mājrā kyā

na Daal pech meñ ḳhātir na ab pareshāñ kar
bahut se dard-e-sar o zulf-e-yār dekh chuke

na sard aa.heñ na shikve na zikr-e-dard-e-firāq
hamāre ishq kā andāz hī nirālā thā