Tags-Dard

jin kī dard-bharī bātoñ se ek zamāna raam huā
'qāsir' aise fan-kāroñ kī qismat meñ ban-bās rahā

maiñ be-ḳhud huuñ mujhe ma.azūr rakh rone meñ ai saaqī
mirī chhātī bharī hai dard se mīnā-e-ḳhālī ke

imtehān-e-talb-e-ḳhām liyā saaqī ne
jām-e-lab-rez diyā durd-e-tah-e-jām ke baad

un mast nigāhoñ kā ik daur jo chal jaa.e
ham dard ke māroñ kī taqdīr badal jaa.e

aane vaale kisī mausam se hameñ kyā lenā
dil hī jab dard kī ḳhushbū kā ḳhazāna Thahrā

sab hī siine meñ ho rahā hai 'zahīr'
dard kī kā.enāt dil meñ hai

har ghaḌī ik nayā taqāzā hai
dard-e-sar ban gayā badan merā

dard sulgāyā gayā aañch baḌhā lī ga.ī hai
jaan ThiThure hue rishtoñ kī bachā lī ga.ī hai

ai dost dard-e-dil kā mudāvā kiyā na jaa.e
va.ada agar kiyā hai to iifā kiyā na jaa.e

na dil meñ dard hī baaqī hai ab na aañkh meñ ashk
aḳhīr vaqt hai pāyān-e-iztirāb aayā

abhī kamsin haiñ zideñ bhī haiñ nirālī un kī
is pe machle haiñ ki ham dard-e-jigar dekheñge

dard-e-dil ko dāstāñ-dar-dāstāñ hone to do
shahr-e-qātil meñ zarā amn-o-amāñ hone to do

kyā kahiye ki dard-e-furqat se 'ehsās' taḌaptā hai dil kyā
taskīn to maanā mumkin hai taskīn se lekin hāsil kyā

dard rag rag meñ kuchh is tarah utar jaatā hai
zindagī se bhī mukar jaane ko jī chāhtā hai

mubtalā-e-dard hone kī ye lazzat dekhiye
qissa-e-ġham ho kisī kā dil mirā dhak dhak kare

mere siine meñ kahīñ ḳhud ko chhupātā huā tū
tere siine se tirā dard churātā huā maiñ

matā-e-dard baḌhā aur muskurā.e jā
shab-e-firāq numūd-e-sahar kī baat na kar

kaun tumhārā dard baTā.e kis ko itnī fursat hai
naam 'rashīd' tum apnā likh lo ḳhud apne ġham-ḳhvāroñ meñ

sohbat-e-ġhair muuñ jaayā na karo
dard-mandāñ kuuñ kuḌhāyā na karo

sharm-e-vasl-e-ġhair se uThtī nahīñ ūñchī nazar
dard-e-sar kaisā ye sab hīla-bahānā ham se hai