Tags-Dard

Thes kuchh aisī lagī hai ki bikharnā hai use
dil meñ dhaḌkan kī jagah dard hai aur jaan nahīñ

hamāre ishq se dard-e-jahāñ ibārat hai
hamārā ishq havas se buland-o-bālā hai

rañg bāteñ kareñ aur bātoñ se ḳhushbū aa.e
dard phūloñ kī tarah mahke agar tū aa.e

idhar to dard kā pyāla chhalakne vaalā hai
magar vo kahte haiñ ye dāstān kuchh kam hai

sabt kar ke mire māthe pe mirī hū kī mohr
chāñdnī dard baḌhātī hai chalī jaatī hai

ilm se har chand tujh ko kam kiyā hai bahra-mand
lekin is se ho na ai ma.asūm aurat dard-mand

dard se pahle karūñ fikr-e-davā
vaah ye achchhī ulTavānsī kahī

dard bhī ginte raho aur ḳhvāb bhī ginte raho
kitnā achchhā kaam hai lekin akele mat karo

jis ne duniyā bhar ke ġham apnā.e the
us ko duniyā ne kahā be-dard thā

phuul se chehre the murjhā.e hue
shahr-e-gul bhī aaj shahr-e-dard thā

mujhe tum chhoḌ do is haal par ye haal achchhā hai
paḌī hai dard kī ḳhū ab shifā achchhī nahīñ lagtī

dil kā har zaḳhm javāñ ho to ġhazal hotī hai
dard nas nas meñ ravāñ ho to ġhazal hotī hai

ḳhudāyā zaḳhmoñ meñ shiddat-e-dard aur bhī kuchh shadīd kar de
phir is ke ba.ad in tamām zaḳhmoñ se ik suḳhan tū kashīd kar de

ham ko to dard-e-judā.ī se hī mar jaanā thā
chand roz aur na qātil ko ishāra karte

nauhagarān-e-shām-e-ġham tum ne sunā nahīñ magar
kaisā ajiib dard thā tez havā ke shor meñ

dil-e-pur-ḳhūñ ko to mil jaa.e farāġh-e-ishrat
kab talak dard se us kā maiñ taḌaptā dekhūñ

dard-e-firāq-e-yār kī majbūriyāñ bajā
itnā to ho na shor qayāmat kaheñ jise

ik ḳhānumāñ-ḳharāb kī daulat kaheñ jise
vo dard dil meñ hai ki mohabbat kaheñ jise

dil ke har dard ne ash.ār meñ Dhalnā chāhā
apnā pairāhan-e-be-rañg badalnā chāhā

chain lene na diyā dard-e-judā.ī ne kabhī
kab maiñ soyā ki jagāyā nahīñ bad-ḳhvāb mujhe