Tags-Aankh

aa.ina māñgtā rahtā hai vahī aks tirā
aañkh rakhtī hai tirā rañg-e-qabā bhī taaza

ye kaisā shahr hai maiñ kis ajā.ib-ghar meñ rahtā huuñ
maiñ kis kī aañkh kā paanī huuñ kis patthar meñ rahtā huuñ

chaman kī yaad aa.ī dil bhar aayā aañkh bhar aa.ī
jahāñ bolā koī gulshan meñ baaqī hai bahār ab tak

tū muqaddas aañkh hai ya.anī hasīñ sūraj kī aañkh
aur maiñ gahrī guphā vo bhī kisī pātāl kī

har vaqt ham raheñ yahāñ haq kī panāh meñ
daatā hamārī aañkh ko bīnā.ī chāhiye

dil kā aalam bhī huā hai ālam-e-hū kī tarah
aañkh meñ tū har ghaḌī rahtā hai aañsū kī tarah

jigar ke haath lapakte haiñ aañkh kī jānib
kuchh aisī tarz se girya-kunāñ huā huuñ maiñ

dar taḳhayyul ke muqaffal nahīñ hone detā
maiñ tujhe aañkh se ojhal nahīñ hone detā

jhapkī thī zarā aañkh ki barham huī mahfil
ham ne abhī kuchh un se kahā thā na sunā thā

lagte hī aañkh raat ke hañgāme so ga.e
jaage the jitnī der qayāmat bapā rahe

maiñ to ik aañkh huuñ āvāz se mujh ko na Darā
ye tire jalva-e-sad-rang kī dahshat hai bahut

aañkh kholūñ to nazar aa.eñ añdhere kyuuñ kar
sab ujāle haiñ mirī niiñd ke bīmār miyāñ

hazār phūloñ se ābād bāġh-e-hastī hai
ajal kī aañkh faqat ek ko tarastī hai

kyā aañkh ko til diyā ki jis meñ
vus.at hai charḳh-e-chambarī kī

jis se aatā thā nasheman kā qafas meñ kuchh lutf
tere qurbān tirī aañkh vo sayyād nahīñ

hai tirī jeb par aaj aañkh nasheman ke evaz
bāġhbāñ ye to koī chor hai sayyād nahīñ

sub.h ke phuul ko hañstā pā kar
raat kī aañkh meñ kāñTā dekhūñ

lākhoñ maze mileñ mire lab se agar mileñ
vo gore gaal aañkh ke taare hue to kyā

tumhāre ba.ad ujāle se ho ga.ī thī chiḌh
hamārī aañkh ko rotī hai raushnī ab tak

maġhrūr na rah hasti-e-mauhūm pe ġhāfil
yaañ aañkh jhapakte hī ḳhudā jāniye kyā ho