Tags-Aankh

shaiḳh ko jo pārsā kahtā hai us ko kyā kahūñ
maiñ ne apnī aañkh se dekhā vo mai-ḳhāne meñ thā

hamārī aañkh se aañsū bhī shams' bah na sake
dil-e-ġharīb kī majbūriyāñ are tauba

aañkh laḌ jaa.e hai yuuñ ab bhī to us kī mahram
lek nazroñ meñ vo aage kī sī samkhāt nahīñ

aañkh jhuk jaatī hai jab band-e-qabā khulte haiñ
tujh meñ uThte hue ḳhurshīd kī uryānī hai

jalte-bujhte hue is shahr pe kyā kuchh likkhā
aaj sab likkhā huā aañkh pe lā kar rakh deñ

kartī huuñ kabhī jab tirī tasvīr se bāteñ
kyuuñ aañkh se hotī hai ye barsāt abhī tak

bādal chhaTe to raat kā har zaḳhm vā huā
aañsū ruke to aañkh meñ mahshar bapā huā

ruḳh pe bahāreñ jhuum rahī haiñ
aañkh meñ nashsha Dol rahā hai

le aao merī aañkh kī lau ke qarīb use
tum se bujhā charāġh agar jal nahīñ rahā

dekh bhaTak jaa.e na musāfir aañkh kī bhūl-bhulaiyyā meñ
kis ko DhūñDe shoḳh-nazar tā-hadd-e-nazar jab kuchh bhī nahīñ

hamīñ se aañkh churātā hai us kā har zarra
magar ye ḳhaak hamāre hī ḳhuuñ kī pyāsī hai

aañkh khulī to ham ne jaanā
pyaar mohabbat ik sapnā hai

mushāhidāt kā dar lāziman khulā hotā
ham apnī aañkh sū-e-sham.a-dān to rakhte

ḳhvāb vaise to ik ināyat hai
aañkh khul jaa.e to musībat hai

khultī hī nahīñ aañkh ujāloñ ke bharam se
shab-rañg huā jā.ūñ maiñ sūraj ke karam se

ki tīrgī meñ palī aañkh ko yaqīñ aa jaa.e
zarā buland ho āhañg-e-raushnī ki maiñ huuñ

ye mere dil kī havas dasht-e-be-karāñ jaisī
vo terī aañkh ke tevar samundaroñ vaale

aañkh se aañkh milānā to suḳhan mat karnā
Tok dene se kahānī kā mazā jaatā hai

aañkh uThāne se bhī pahle hī vo hoñge ġhā.eb
kyā ḳhabar thī ki unheñ itnī shitābī hogī

aap kī aañkh agar aaj gulābī hogī
merī sarkār baḌī saḳht ḳharābī hogī