Tags-Aankh

sīna-e-shā.ir ġham se bharā hai aañkh magar namnāk nahīñ hai
roz-e-azal se hai dīvāna dāman lekin chaak nahīñ hai

dekhā hai āshiqoñ ne barahman kī aañkh se
har but ḳhudā hai chāhne vāloñ ke sāmne

aur sadiyoñ ba.ad hosh āyā, khulī jab aañkh merī
maiñ ne dekhā

zāhir kī aañkh se na tamāshā kare koī
ho dekhnā to dīda-e-dil vā kare koī

qat-e-nazar ke ba.ad bhī akasr baḌh jaatī hai dil kī dhaḌkan
aañkh uThā.e kyā bantā hai dil hī uThāo dīvāroñ se

kis ne kahā thā shahr meñ aa kar aañkh laḌāo dīvāroñ se
saaya saaya bhaTak bhaTak ab sar Takrāo dīvāroñ se

dekh lahū hai aañkh meñ
ashk nahīñ guhar nahīñ

chāñdnī jis ke sarāpā meñ simaT aa.ī thī
aañkh ab bhī hai usī husn kī juuyā merī

dosh par sar kī jagah turra-e-dastār mile
aañkh ab le le koī mujh se ḳhudā-yā merī

aañkh merī ro rahī hai
aaj dulhan vo banī hai

khulī ḳhvāb-e-ġhaflat se piirī meñ aañkh
shab-e-naujavānī sahar ho ga.ī

mere liye vo kam-numā hairat-e-gul banā rahā
aañkh ke vast meñ sadā ek ġhubār meñ milā

yā to vo ek ḳhvāb thā TuuT ke juḌtā hī rahā
yā phir ḳhalal nigāh kā aañkh ke taar meñ milā

ḳhvāb nāzuk haiñ kāñch ke jaise
TuuT jaate haiñ aañkh malte hī

aañkh se le ke dil talak kā safar
inkishāfāt se hai vābasta

thiiñ mirī aañkh meñ kabhī kirneñ
ab jo barsāt se hai vābasta

rakhte ho agar aañkh to bāhar se na dekho
dekho mujhe andar se bahut TuuT chukā huuñ

dil ko abrū haiñ pasand aañkh ko chashm-e-mai-gūñ
koī duniyā meñ hilālī hai koī jaamī hai

ye kaisī aañkh thī jo ro paḌī hai
ye kaisā ḳhvāb thā jo bujh gayā hai

dard dil ko bhāte haiñ jaane kyuuñ lubhāte haiñ
aañkh ke sitāroñ kā sajtā roz mela hai