Tags-Aankh

dil bayābānī saath rakhtā hai
aañkh barsāt chhoḌ jaatī hai

kahā maiñ ne ki aañsū aañkh kā lekin nahīñ thamtā
kahā āñkheñ koī talvoñ se mal Daale agar kyā ho

khulī jo aañkh to mahshar kā shor barpā thā
maiñ ḳhush huā ki chalo aaj mar ga.ī duniyā

hamīñ chubhte haiñ kyuuñ kāñToñ kī sūrat aañkh meñ terī
fasādī kā nishāna kyuuñ hamāre hī makāñ tak hai

chhup rahā hai qafas-e-tan meñ jo har tā.ir-e-dil
aañkh khole hue shāhīn-e-nazar kis kā hai

aañkh kuchh baat nahīñ thī jo jhukā.ī tū ne
ruḳh koī raaz nahīñ thā jo chhupā baiThā hai

ḳhushī mile to tire ba.ad ḳhush nahīñ hote
ham apnī aañkh meñ har-dam malāl rakhte haiñ

shab-e-vasl kyā muḳhtasar ho ga.ī
zarā aañkh jhapkī sahar ho ga.ī

chehre makān raah ke patthar badal ga.e
jhapkī jo aañkh shahr ke manzar badal ga.e

sipar tamām badan ke havās Daal chuke
bas ek aañkh hai jis meñ abhī baġhāvat hai

ye kis kī aañkh Tikī hai udaas manzar par
ye kaun hai ki jise dekhne kī fursat hai

nazar bhī haal mire dil kā kah nahīñ paatī
zabāñ kī tarah mirī aañkh meñ bhī luknat hai

lafz kī qaid se rihā ho jā
aa mirī aañkh se adā ho jā

mujhe Dar thā jis kā vahī huā mirī aañkh khulte hī jhaḌ gayā
tirī palkoñ par mire vasl kā thā jo ek ḳhvāb sajā huā

taaq se miinā utārā paañv meñ laġhzish huī
kī na saaqī se barābar aañkh sharmātā rahā

khulī jab aañkh to dekhā ki thā bāzār kā halqa
ḳhudā ma.alūm kab TuuTā mire pindār kā halqa

guftugū chal rahī hai tāroñ se
shaam kī aañkh meñ sahar mat rakh

abhī se kyuuñ lahū rone lagī aañkh
pas-e-manzar bhī koī imtihāñ hai

aañkh uThā.ī nahīñ vo sāmne sau baar hue
hijr meñ aise farāmush-gar-e-dīdār hue

munkir-e-hashr hai kidhar dekhe tū aañkh khol kar
hashr kī jo ḳhabar na de aisī koī sahar nahīñ