Tags-Aankh

na lagtī aañkh to sone meñ kyā burā.ī thī
ḳhabar kuchh aap kī hotī to be-ḳhabar hotā

aañkh milte hī kar diyā mad.hosh
ye tumhārā hī kaam hai saaqī

aañkh se ashk nikal aa.e haiñ
ret se jaise samundar niklā

aañkh bīnā.ī gañvā baiThī to
terī tasvīr se manzar niklā

aañkh kī putliyoñ ko ġhaur se dekh
terī tasvīr hū-ba-hū hai yahāñ

gul ruḳh-e-nāzuk zulf hai sumbul aañkh hai nargis seb-e-zanaḳhdāñ
husn se tum ho ġhairat-e-gulshan māshā-allāh māshā-allāh

hai ab to ye dhun us se maiñ aañkh laḌā lūñgā
aur chuum ke muñh us kā siine se lagā lūñgā

aksar hamāre ḳhvāb meñ aatī haiñ toffiyāñ
khul jaa.e phir jo aañkh satātī haiñ toffiyāñ

aañkh jhapkīñ to itne arse meñ
jaane kitne baras guzar jaa.eñ

aañkh shabnam kī dekhtī hai kise
chāñdnī meñ huā javāñ koī

aañkh ke ġhaar meñ haiñ saikḌoñ saḌtī lāsheñ
jhāñk kar un meñ kisī ne kabhī dekhā hī nahīñ

tire taġhāful se hai shikāyat na apne miTne kā koī ġham hai
ye sab ba-zāhir bajā hai lekin ye aañkh kyuuñ aaj merī nam hai

der se jhiil kī aañkh jhapkī
na sahme hue par kahīñ phaḌphaḌā.e

hijr meñ tere shams o qamar kī aañkh lage kyā lail-o-nahār
charḳh ke kab gahvāre meñ ye ishq ke maare sote haiñ

band ho jaa.e mirī aañkh agar
is darīche ko khulā rahne do

aañkh khaTaktī nahīñ
dil pe barastī nahīñ

ai mirī aañkh kī dahlīz pe dam toḌte ḳhvāb
mujh ko afsos tirā hai bhī nahīñ bhī shāyad

nazzāra ajab us ke garebāñ kī taraf thā
har aañkh kā ruḳh sīna-e-uryāñ kī taraf thā

ajal istāda hai bālīñ pe marīz-e-ġham-e-ishq
aañkh to khol zarā vaqt hai bedārī kā

terī aañkh meñ rahte ham
yaar agar ham hote ḳhvāb