Tags-Aankh

haiñ gardish meñ lahū saa.at manāzir
zamāna aañkh meñ tasvīr sā hai

jahāñ zaḳhm-e-junūñ ne aañkh kholī
har ik gul aql kā murjhā gayā hai

is mohalle meñ agar saañp Dase behtar hai
log kahte haiñ yahāñ aañkh laḌī Thiik nahīñ

vahī āsmān hai vahī zamīñ magar aañkh us kī jo phir ga.ī
na vo din hai ab na vo raat hai na vo sub.h hai na vo shaam hai

mirī aañkh meñ jo samā gayā mire dil meñ jis kā maqām hai
abhī mujh se hai vo alag-thalag na payām hai na salām hai

ham dekhte haiñ aañkh meñ sahme hue aañsū
ik chup hai kahīñ ḳhanda-e-be-bāk se aage

tarīq-e-ishq meñ dekhā hai kyā kaheñ kyūñ-kar
hamārī aañkh khulī hai maqām-e-hairat meñ

aañkh rakhte hue kuchh bhī nahīñ dekhā ham ne
varna manzil se hasīñ raah meñ manzar aa.e

hazār baar huā ḳhūn-e-ārzū lekin
kabhī kisī ko mirī aañkh meñ namī na milī

aa.ī thī shakl dil ke jo aa.ina meñ nazar
band aañkh is se aur zabāñ bhī ḳhamosh hai

ḳhudā ġhārat kare dast-e-sitam ko
abhī to aañkh kholī thī kalī ne

rañg the kal aañkh meñ kuchh aur hī
aaj bhī raqs-e-sharar kuchh aur hai

ab vo kyā ā.eñge tum bhī aañkh jhapkā lo 'niyāz'
sub.h kā taara bhī ab to jhilmilātā jaa.e hai

aañkh bhar ke jab us ne dekhā to
zard mausam meñ dil khulā Daalā

duniyā vaale mujh ko pāgal kahte haiñ
maiñ sūraj se aañkh milātā rahtā huuñ

yādoñ kī dīvār girātā rahtā huuñ
maiñ paanī se aañkh bachātā rahtā huuñ

vo pūchhtā thā mirī aañkh bhīgne kā sabab
mujhe bahāna banānā bhī to nahīñ aayā

abhī tak lahlahātā hai vo sabza aañkh meñ
vo mauj-e-gul ko meyār-e-nazar kartā huā

ab hameñ aañkh uThā kar nahīñ taktā vo shaḳhs
kitne mazbūt marāsim the hamāre us ke

aañkh laḌte hī mach ga.ī halchal
baat sunñe meñ to yahī aa.ī