Tags-Aankh

boltī aañkh kā ras hañste hue lafz kā ruup
baat nazroñ kī sunūñ yā ki sadā ko dekhūñ

bebāk milte hī jo hue ham to sharm se
aañkh us parī ne phir na milā.ī tamām shab

piine vaale to tujhe aañkh se pī lete haiñ
vo takalluf hī nahīñ karte haiñ paimāne kā

merī aañkh ke taare ab na dekh pāoge
raat ke musāfir the kho ga.e ujāloñ meñ

hāl-e-pareshāñ sun kar merā aañkh meñ us kī aañsū haiñ
maiñ ne us se jhuuT kahā ho aisā bhī ho saktā hai

hai vaj.h-e-sukūn-e-dil-e-āshufta-navā bhī
vo aañkh ki hai fitna-e-sad-hūsh-rubā bhī

ġham kā ye salīqa bhī rah gayā hai ab ham tak
zaar zaar rote haiñ aañkh meñ nahīñ nam tak

ashk āñkhoñ meñ sulagte hue so jaate haiñ
ye mirī aañkh jo banjar hai ka.ī sadiyoñ se

jān-e-tanhā pe guzar jaa.eñ hazāroñ sadme
aañkh se ashk ravāñ hoñ ye zarūrī to nahīñ

ham sāda-dil the aa ga.e āḳhir fareb meñ
bātoñ meñ us kī aañkh lagā le ga.ī hameñ

ye kis ne aañkh ko nañgā kiyā hai dariyā meñ
mahaktī ret pe koī bhī be-libās na thā

thā pā-shikasta aañkh magar dekhtī to thī
maanā vo be-amal thā magar āgahī to thī

khulte khulte ruk ga.e vo un ko tū ne ai 'zafar'
sach kaho kis aañkh se dekhā ki chāhat khul ga.ī

ā.īne ko naaz thā kyā apne rū-e-sāf par
aañkh hī par dekhte hī terī sūrat khul ga.ī

andalīb-e-ḳhush-navā par aañkh hai sayyād kī
nargis-e-shahlā sarāpā intizār-e-naġhma hai

hairāñ hai aañkh chashm-e-ināyat ko kyā huā
duniyā meñ rasm-o-rāh-e-mohabbat ko kyā huā

mujhe apne zabt pe naaz thā sar-e-bazm raat ye kyā huā
mirī aañkh kaise chhalak ga.ī mujhe rañj hai ye burā huā

Tuk aañkh milāte hī kiyā kaam hamārā
tis par ye ġhazab pūchhte ho naam hamārā

aañkh patthar kī tarah sākit ho jab
qulzum-e-ḳhūñ kī ye jaulānī abas

tujh se koī ā.īna
kaise aañkh milā.egā