Tags-Aankh

tamām shahr kī āñkhoñ meñ reza reza huuñ
kisī bhī aañkh se uThtā nahīñ mukammal maiñ

aañkh jis jā pe bhī paḌtī hai Thahar jaatī hai
likhnā chāhūñ to likhūñ terā sarāpā kaise

ruk gayā aañkh se bahtā huā dariyā kaise
ġham kā tūfāñ to bahut tez thā Thahrā kaise

aañkh meñ bhī dā.era hai dā.ere meñ dā.era
zindagānī dekhtī hai kyā barābar dā.ere

ham us ke aañkh se ojhal hone kā matlab kyā lete haiñ
vo aañkh se ojhal ho to nazāre darham-barham ho jaa.eñ

nahīñ ajā.ib kuchh aañkh hī meñ rutūbateñ tiin saat parde
oquul das mudrikāt das haiñ so karte rahte haiñ kaam tīsoñ

sāmne ik vahī sūrat nahīñ rahtī aksar
jo kabhī aañkh se ojhal nahīñ dekhī jaatī

surḳh-rū sab ko sar-e-maqtal nazar aane lage
jab hue ham aañkh se ojhal nazar aane lage

aañkh jal jaatī hai lekin ḳhvāb jhulsātī nahīñ
surma.ī Dherī kī ḳhunkī se janam legī bahār

aisā chehra ki aañkh bol uThī
mo.ajiza aa.ine ke ba.ad kā hai

rahe mudām yūñhī ishq meñ tah-o-bālā
jo ġham se baiTh gayā dil to uThne aañkh aa.ī

dhuup itnī hai band huī jaatī hai aañkh
aur palak jhapkūñ to manzar jaatā hai

tū ne jab bhī aañkh milā.ī
dīda-o-dil par aafat aa.ī

ishq meñ piine kā paanī bas aañkh kā paanī
khāne meñ bas patthar khaa.e jā sakte the

nazar to apne manāzir ke ramz jāntī hai
ki aañkh kah nahīñ saktī sunī-sunā.ī huī

mujh ko ab bhī yaad hai ik din
ghar vāloñ kī aañkh bachā kar

Duube haiñ vo yuuñ sab ke samundar meñ ki ġham haiñ
sūraj kī chamak aañkh meñ laa.e the jo bhar ke

aañkh ke goshe ho kar nam ābād hue
dil kī bastī ke sab ġham ābād hue

ho chuke ḳhushk mirī aañkh ke chashme kab ke
sāmne dasht hai ik abr kā TukḌā likh de

lafzoñ meñ har ik ranj samone kā qarīna
us aañkh meñ Thahre hue paanī se milā hai