Tags-Aankh

nahīñ jā.egī kisī aañkh se kahīñ raushnī
koī ḳhvāb us ke azaab meñ nahīñ aa.egā

qahr kiyā ye tum ne sāhab aañkh laḌānā aafat thā
jhaT-paT dil ko phūñk diyā aur aag lagā.ī siine meñ

vo aañkh khulne kā bhī intizār kartā nahīñ
darūn-e-ḳhvāb hī tābīr-e-ḳhvāb us kī talab

haath ḳhālī hai koī kañkar uThā
aañkh se Thahrā huā manzar uThā

khulī jo aañkh to afsūn-e-ḳhvāb TuuT gayā
abhī abhī koī chehra mirī nazar meñ thā

ye aañkh kyuuñ hai ye haath kyā hai
ye din hai kyā chiiz raat kyā hai

vahāñ is aañkh ne badle the tevar
yahāñ saarī dishā.eñ jal rahī thiiñ

har ek jism ruuh ke azaab se niDhāl hai
har ek aañkh shabnamī har ek dil figār hai

dekho jis aañkh meñ to hamārā hī nuur hai
har kaan meñ bharā ye hamārā kalām hai

jab raat kā baḌhtā hai sannāTā chain se duniyā sotī hai
tab aañkh mirī khul jaatī hai aur dil kī rag rag rotī hai

dekhne se tire jī paatā huuñ
aañkh ke pherte mar jaatā huuñ

ta.abīr batā.ī jā chukī hai
ab aañkh ko ḳhvāb dekhnā hai

maiñ chup rahā to aañkh se aañsū ubal paḌe
jab bolne lagā mirī āvāz phaT ga.ī

dū-ba-dū kab ho sakeñ us ke 'asar' hai aañkh naar
kyā huaa, haiñ dekhne kahne ko gar aġhyār sau

ġham ke bādal phir bhī chhā.e rah ga.e
aañkh se dariyā ke dariyā bah ga.e

aañkh milte hī us sitamgar se
tiir siine ke paar hotā hai

vo aañkh sāya-fagan hai dil par jo be-ḳhudī kā hai isti.āra
ghulī huī nīlgūñ samundar meñ tal.at-e-māhtāb jaise

aañkh meñ ḳhvāb rachāne kī nahīñ hai qīmat
aañkh meñ ḳhvāb rachā.egā to chhā jā.egā

maiñ tujhe dekh ke an-dekhā bhī kar saktī huuñ
aañkh muḌtī hai nazāre se guzar jaatī hai

dekhā na āñkh-bhar ke nazar ke ḳhayāl se
lete haiñ ham to naam tirā phūñk phūñk kar