Tags-Aankh

ek taraf rū-e-jānāñ thā jaltī aañkh meñ ek taraf
sayyāroñ kī raakh meñ miltī raat thī ik bedārī kī

ye dil hai shauq meñ be-ḳhud vo aañkh nashshe meñ chuur
jhukā na de su-e-sāġhar bhaḌaktī pyaas mujhe

khaḌe kab se ham sar-e-rāh haiñ kahīñ mar chukeñ ki tabāh haiñ
hadaf-e-ḳhadañg-e-nigāh haiñ zarā aañkh idhar bhī milā.iye

zamīñ kī aañkh se manzar koī utārte haiñ
havā kā aks chalo ret par ubhārte haiñ

mauja-e-ġham ne to dam toḌ diyā
rah gayā aañkh meñ paanī phir bhī

zindagī jin kī rifāqat pe bahut nāzāñ thī
un se bichhḌī to koī aañkh meñ aañsū bhī nahīñ

mumkin hī nahīñ hai lafzoñ meñ is husn kī ho tafsīr koī
jab aañkh khule ḳhāmosh raho kyā samjhoge samjhāoge

kaisī aahaT hai pas-e-dīvār āḳhir kaun hai
aañkh bantā jā rahā hai rauzan-e-dar dekhnā

aañkh kī qismat hai ab bahtā samundar dekhnā
aur phir ik Dūbte sūraj kā manzar dekhnā

āñkheñ apnī band thiiñ jab tak haal pe apne ro.e bahut
aañkh khulī to dekhā haal yahī thā saarī ḳhudā.ī kā

aañkh bhar aa.ī kisī se jo mulāqāt huī
ḳhushk mausam thā magar TuuT ke barsāt huī

aañkh kī tah meñ koī sahrā na ho
aa rahī hai ret bhī paanī ke saath

zindagī ham se tirī āñkh-micholī kab tak
ik na ik roz kisī moḌ pe aa leñge tujhe

ashk-e-ḳhūñ kyuuñ na aañkh se Tapkeñ
dil kā armāñ yūñhī nikaltā hai

jise yaad apnī lagā.iye use saaf dil se bhulā.iye
Tuk idhar to aañkh milā.iye yahī ham se qaul-o-qarār thā

raat jaltī hai sulagte hue sahrā kī tarah
dard agar ho to kisī aañkh se dariyā nikle

raah meñ phuul khileñge to chubhan bhī hogī
ghar meñ baiThūñ to mirī aañkh kā kāñTā nikle

jaise vo jaan nazar aañkh jhapaktā nikle
raat kī kokh se aisā koī taarā nikle

dilbarī pesha hai ye chor bhī apne dil kā
aañkh har ek haqīqat se churānī māñge

bahe jab aañkh se aañsū baḌhā soz-e-jigar apnā
hamesha meñh baraste meñ jalā kartā hai ghar apnā