Collections

Lab Shayari

Motivational Ghazals

Best Khamoshi Shayari

More Collections

Tags-Aadmi

paañv itne tez haiñ uThte nazar aate nahīñ
aaj thak kar rah gayā hai aadmī ye mat kaho

jism ki har baat hai aawargi ye mat kaho

ye mas.ala bhī faqat aadmī ke saath hai dost
ki jo nahīñ hai mayassar vahī zarūrī hai

jahan kahin bhi ho teri KHushi zaruri hai

zindagī-o-maut vāhid aa.ina
aadmī hai hadd-e-fāsil ke qarīb

hum jo guzre unki mahfil ke qarib

jo mere andar chhupā huā hai
us aadmī se bhī Dar rahā huuñ

mata-e-fikr-o-nazar raha hun

saaya hai kam khajūr ke ūñche daraḳht kā
ummīd bāñdhiye na baḌe aadmī ke saath

saya hai kam khajur ke unche daraKHt ka

ādamiyyat ke liye ye shart hai
aadmī kuchh ho magar saa.il na ho

be-hisi insan ka hasil na ho

mohabbateñ bhī usī aadmī kā hissa thiiñ
magar ye baat purāne zamāne vaalī hai

mohabbaten bhi usi aadmi ka hissa thin

āsmāñ apne irādoñ meñ magan hai lekin
aadmī apne ḳhayālāt liye phirtā hai

aasman apne iradon mein magan hai lekin

aag paanī meñ agar jañg huī
kis taraf aadmī hogā dekheñ

raushni wale to duniya dekhen

ilm-o-aql-o-nām-o-jāh-o-zor-o-zar sab hech ishq
ho ke sab kuchh bhī nahīñ kuchh aadmī tere baġhair

zist hai ek masiyat soz-e-dili tere baghair

mohabbat vo hai jis meñ kuchh kisī se ho nahīñ saktā
jo ho saktā hai vo bhī aadmī se ho nahīñ saktā

mohabbat wo hai jis mein kuchh kisi se ho nahin sakta

aadmī na itnā bhī duur ho zamāne se
sub.h ko judā samjhe shaam ke fasāne se

aadmi na itna bhi dur ho zamane se

kaam aisā kyuuñ kiyā jaa.e ki jis ke ba.ad meñ
aadmī apne kiye par aap pachhtāne lage

justuju ke panw ab aaram sa pane lage

abhī marā nahīñ zinda hai aadmī shāyad
yahīñ kahīñ use DhūñDo yahīñ kahīñ hogā

aadmi ki talash

aadmī bulbula hai paanī kā
aur paanī kī bahtī sat.ha par

aadmi bulbula hai

aadmī haiñ ham nahīñ haiñ peḌ par 'sābir' 'razā'
bāñTanā hogā kaḌaktī dhuup meñ saaya hameñ

sazishon ke daur mein mausam ne yun jakDa hamein

chalī jaa.e bāzār meñ raushnī jab achānak
chamakne lage jo bas ik dam vahī aadmī hai

nahin dekhta din jise chashm-e-shab dekhti hai

kyuuñ nahīñ ek zāhir-o-bātin
aadmī ho ga.e siyāsī kyuuñ

man ke mandir mein hai udasi kyun

vo saa.at sūrat-e-chaqmāq jis se lau nikaltī hai
talāsh-e-ādmī ke zāviye kyā kyā badaltī hai

wo saat surat-e-chaqmaq jis se lau nikalti hai

aise bhaTak rahā hai ḳharābe meñ aadmī
jaise use kabhī bhī hidāyat nahīñ milī

aise bhaTak raha hai KHarabe mein aadmi