Tags-Aadmi

to phir ye aadmī ḳhud ko ḳhudā samajhne lage
agar ye umr-e-gurezāñ zarā bhī raas aa.e

dekh vaa.iz mujh ko maiñ kyā ho gayā
aadmī thā pī farishta ho gayā

har ek aadmī ko mile ḳhil.at-e-bashar
har ek jhoñpaḌī pe mahal kā libās ho

vo ek lamha hazāroñ baras pe ġhālib hai
jo aadmī ke liye azmatoñ kā tālib hai

Thahr saktī hai kahāñ us ruḳh-e-tābāñ pe nazar
dekh saktā hai use aadmī band āñkhoñ se

''nahīñ ye sūraj ke shahr kā aadmī nahīñ hai
ki ye to marne ke ba.ad fōtpath par paḌā hai

paidā hote hī aadmī ko
lāhaq nisyān ho gayā hai

pāgal sā ek aadmī kal duur tak mujhe
muḌ muḌ ke dekhtā gayā pahchāntā gayā

dil ḳhushāmad se har ik shaḳhs kā kyā raazī hai
aadmī jin parī o bhuut balā raazī hai

kuchh 'hafīz' aisā nahīñ jis se ki tum vāqif na ho
aadmī vo to bahut mārūf hai mash.hūr hai

burā bure ke alāva bhalā bhī hotā hai
har aadmī meñ koī dūsrā bhī hotā hai

ik qarīb kā rishta phertā hai jab nazreñ
aadmī nahīñ martā e'tibār martā hai

aap kis liye mujh ko dekhte haiñ hairat se
aadmī mohabbat meñ kuchh bhī kar guzartā hai

shaiḳh chal tū sharāb-ḳhāne meñ
maiñ tujhe aadmī banā dūñgā

ye to bas ik ravish-e-ḳhās pe kartī hai safar
aadmī gardish-e-aflāk se Dartā kyuuñ hai

rañg aur nasl zaat aur maz.hab jo bhī hai aadmī se kamtar hai
is haqīqat ko tum bhī merī tarah maan jaao to koī baat bane

aadmī kā ḳhudā ban gayā aadmī
dāvar-e-hashr kī dāvarī rah ga.ī

fareb-e-husn se allāh aadmī ko bachā
chale ye pech to rustam ko maar rakhtā hai

maiñ shīsha kyuuñ na banā aadmī huā kyūñkar
mujhe to umr lagī TuuT phuuT jaane tak

zarā kuchh shaġhl-e-neko-kār bhī 'sayyad-amīn-ashraf'
faqat nām-o-nasab se aadmī achchhā nahīñ hotā