Tags-Aadmi

ḳhush-hāl ghar sharīf tabī.at sabhī kā dost
vo shaḳhs thā ziyāda magar aadmī thā kam

apne ehsān-e-ḳhalq se 'hātim'
aadmī ko abiid kartā huuñ

ādamiyat kā nishāñ miTtā gayā
ho rahā hai aadmī par ġhaur-o-ḳhauz

dekhe haiñ vo nagar ki abhī tak huuñ ḳhauf meñ
vo sūrateñ milī haiñ ki Dar jaa.e aadmī

dekhe hue se lagte haiñ raste makāñ makīñ
jis shahr meñ bhaTak ke jidhar jaa.e aadmī

ḳhvāb-o-ḳhayāl-e-gul se kidhar jaa.e aadmī
ik gulshan-e-havā hai jidhar jaa.e aadmī

parde meñ rañg-o-bū ke safar-dar-safar 'munīr'
in manziloñ se kaise guzar jaa.e aadmī

ye bahr-e-hast-o-būd hai be-gauhar-e-murād
gahrā.iyoñ meñ is kī agar jaa.e aadmī

to ek aadmī
dekh rahā hogā ye manzar

vo be-ḳhabar hai nahīñ ehtirām jis ko ḳhabar
ki aadmī ko milī har ḳhabar usī se milī

rishtoñ kā ḳhol oḌh ke milte haiñ log aaj
har aadmī mujhe yahāñ tanhā dikhā.ī de

aadmī jaan ke khātā hai mohabbat meñ fareb
ḳhud-farebī hī mohabbat kā sila ho jaise

ham to vābasta haiñ aise daur se jis daur meñ
aadmī ke rāste meñ aadmī dīvār hai

shaiḳh ke māthe pe miTTī barhaman ke bar meñ but
aadmī dair-o-haram se ḳhaak patthar le chalā

aadmī raushnī nahīñ paa.e
jab talak bandagī nahīñ paa.e

ab kahāñ bhuut aur balā.eñ rahīñ
aadmī aadmī ko khāte haiñ

abhī aadmī hai fazāoñ meñ abhī uḌ rahā hai ḳhalāoñ meñ
ye na jaane pahuñchegā kis jagah agar āsmāñ se guzar gayā

mast huuñ muttaqī nahīñ huuñ maiñ
kaam kā aadmī nahīñ huuñ maiñ

hazār kāvisheñ kiiñ par nahīñ samajh paayā
koī batā.e to kyā aadmī kā hāsil hai

gharoñ pe naam the nāmoñ ke saath ohde the
bahut talāsh kiyā koī aadmī na milā