Tags-Aah

jahāñ meñ mujh se bhī nākām-e-ārzū kam haiñ
na rañg aah meñ hai aur na soz aah meñ hai

ishq kyā kyā hameñ dikhātā hai
aah tum bhī to ik nazar dekho

vo garm-o-ḳhushk mahīne vo jeTh vo baisākh
ki hāfize meñ kabhī aah haiñ kabhī aañsū

nahīñ asar tīr-e-āh kuuñ is meñ
dil-e-sañgīñ tirā hai lohā laaT

ye hañstā huā shor sanjīdgī ke liye imtihāñ hai
so mohtāt rahnā ki tahzīb-e-āh-o-fuġhāñ kho na jaa.e

vo dard mol ki ho rāt-din kī niiñd harām
to dekh aah meñ kaisā asar nahīñ aatā

aah naale dard-o-ġham aḳhtar-shumārī raat kī
ai masīh-e-vaqt in sab kī davā to ek hai

kyūñkar ke rahe sharam mirī shahr meñ jab aah
nāmūs kahāñ utreñ jo dariyā pe izāreñ

ātishīñ aah kā hai sañg-diloñ par bhī asar
toḌ kar dekh lo patthar meñ sharar hai ki nahīñ

aah vo aish-e-rāz-e-jāñ haa.e vo aish-e-rāz-e-jāñ
haa.e vo aish-e-rāz-e-jāñ shahr meñ aam ho gayā

ġhul hai pathrāv hai laḌkoñ kā ik aah kā laTh hai haat mire
hai saarā aalam ek taraf dīvāna-e-'uzlat' ek taraf

dil haat de yaar ke kyūñke liyūñ pher aah jahāñ kī malāmat se
jī leve hai ġhairat ek taraf maare hai muravvat ek taraf

ghar yaar kā ham se duur paḌā ga.ī ham se rāhat ek taraf
dil ek taraf aah ek taraf milne kī hasrat ek taraf

ai shola apnī garm-ravī par na bhūliyo
aalam hai aur āh-e-dil-e-soz-nāk kā

chashm meñ ātishīñ haiñ ashk dil meñ ġhubār-e-āh-e-sard
donoñ se lete haiñ janam ātish-o-āb o ḳhāk-o-bād

kabhī hairat kabhī mastī kabhī āh-e-sahar-gāhī
badaltā hai hazāroñ rañg merā dard-e-mahjūrī

ai shab-e-rañj-o-alam dekh zarā rahm to kar
aah kis karb meñ rahte haiñ azādār tire

vo zabt thā ki aah na niklī zabān se
dil pe hamāre kitne hī ḳhanjar guzar ga.e

bajegā kūchoñ meñ yūñhī ghanTa azaañ yūñhī hogī masjidoñ meñ
na jab talak un ko tū milegā tamām āh-o-fuġhāñ rahegī