Tags-Aah

dil meñ kāñTā sā kuchh chubhe hai mire
ki 'hasan' kis kī aah hai ye mizha

qubūl hogī duā hamārī kareñge jis dam ham āh-o-zārī
kabhī na jā.egī uupar uupar hamārī hājat ravā kareñge

dhar paañv āstāñ pe ki is aarzū meñ aah
kī hai kisī ne nāsiya-sā.ī tamām shab

guzrī hai raat mujh meñ aur dil meñ turfa sohbat
īdhar to maiñ ne kī aah ūdhar se vo karāhā

mañjdhār meñ apne hāthoñ se 'tasnīm' Dubo kar aah yahāñ
nākām mohabbat kashtī ko phir paar lagānā paḌtā hai

jāñ-soz aah o naala samajhtā nahīñ huuñ maiñ
yak sho.ala mere dil se uThā thā jalā gayā

ho jaa.e jal ke ḳhaak na ḳhud ye mirā vajūd
Dartā huuñ aah kā asar ulTā na ho kahīñ

jab dil se dil mil jaatā hai vo daur-e-mohabbat aah na pūchh
kuchh aur hī din ho jaate haiñ kuchh aur hī rāteñ hotī haiñ

vo ahd-e-dil-farebi-e-tāsīr ab kahāñ
muddat se aah aah kī hasrat nahīñ rahī

āh-o-fariyād se ma.amūr chaman hai ki jo thā
mā.il-e-jaur vahī charḳh-e-kuhan hai ki jo thā

numūd ai āshiqo gar ma.arke meñ ishq ke chāho
to māñgo tabl naale se alam-dār aah se māñgo

kab talak jī ruke ḳhafā hove
aah kariye ki Tak havā hove

ne girya-e-shab huuñ maiñ na āh-e-saharī huuñ
juuñ bāñg-e-jaras ham-nafas-e-be-asarī hoñ

maltā hai ai nigār kaf-e-pā kuuñ apne aah
kyā tū ne mere ḳhuun ko rañg-e-hinā kiyā

mulzim kiyā hai aah kisī ne mujhe ba-aks
ā.īna-rū kā apne maiñ jis se gila kiyā

mat pūchh āh-e-ishq ke ḳhūbāñ ke kyā kiyā
rusvā kiyā ḳharāb kiyā mubtalā kiyā

aah kyā umr guzārī ham ne
naqsh ban ban ke miTā ho jaise

aah vo shiddat-e-ġham hai ki mirī āñkhoñ se
būñd-do-būñd nahīñ ek samundar aayā

dil par choT paḌī hai tab to aah laboñ tak aa.ī hai
yuuñ hī chhan se bol uThnā to shīshe kā dastūr nahīñ

kaheñ haiñ sabr kis ko aah nañg o naam hai kyā shai
ġharaz ro piiT kar un sab ko ham yak baar baiThe haiñ