Tags-Aah

usī ke raag se gūñjeñge kal rāheñ masarrat kī
ye maanā aaj insāñ manzil-e-āh-o-fuġhāñ meñ hai

be-fauj-e-sarishk o parcham-e-āh
jhapTā yuuñ bhīḌ-bhāḌ kar ishq

chhoḌ kar aañsū ko laḳht-e-dil gayā ham-rāh-e-āh
naav ḳhushkī meñ chalī āb-e-ravāñ be-kār hai

rāst-keshoñ kī tuf-e-āh se Dar ai sarkash
tiir phirtā nahīñ jis vaqt nishāñ par aayā

hilā deñge abhī ai sañg-dil tere kaleje ko
hamārī āh-e-ātish-bār se patthar pighalte haiñ

aah ye din rain kī bechain soch
jo mirī taqdīr ho kar rah ga.ī

bagūlā jin ke sar par chatr-e-shāhī hai zamīñ masnad
vahī aqlīm-e-ġham meñ aah kī naubat bajāte haiñ

phir bhī 'sāqib' na uḌī tāla-e-ḳhufta kī niind
aah jā kar mirī gardūñ ko hilā bhī aa.ī

ulTā hai kyā is āh-e-sharar-bār kā asar
dil hī bujhā diyā hai mirā phūñk phūñk kar

ye ajab zamāne kī rasm hai ki jinhoñ pe marte the ham sadā
pas-e-marg aa vahī ḳhaak meñ hameñ aah dhar ke chale ga.e

kabhū tak ke dar ko khaḌe rahe kabhū aah bhar ke chale ga.e
tire kūche meñ jo ham aa.e bhī to Thahar Thahar ke chale ga.e

phir diyā pāra-e-jigar ne savāl
ek fariyād o āh-o-zārī hai

ek lab tak hī na pahuñchī jo duā thī mustajāb
kis qadar charchā huā hai āh-e-be-tāsīr kā

maiñ ki ḳhātam bhī huuñ ḳhud apnī tabī.at kā 'ziyā'
qat huā silsila-e-āh-o-fuġhāñ mere ba.ad

aah be-iḳhtiyār kartā huuñ
yaad jab us kā pyaar kartā huuñ

aah nikle na kab talak āḳhir
ḳhuun hotā rahe jigar kab tak

mohabbat aah terī ye mohabbat raat bhar kī hai
tirī rañgīn ḳhalvat kī latāfat raat bhar kī hai

pahlū meñ 'nasīr' aah nahīñ hai dil-e-muztar
is sher-e-ġham-ālūda-e-be-dil ne satāyā

jo le liyā dil ko mere yaaro to us ne lī raah apne ghar kī
paḌā taḌaptā maiñ rah gayā vaañ zabāñ pe aah aur laboñ pe naala

ro.e haiñ ham zarūr 'shād' tab to hai lab pe āh-e-sard
meñh na baras gayā to phir ThanDī havā kī vaj.h kyā