Tags-Aah

aah 'habīb' is daur kī bāteñ ḳhvāb kī lazzat yaas kā aalam
kartī thiiñ ishāre jab lailā.eñ uf rī javānī haa.e zamāne

dekh ai āh-e-sākinān-e-zamīñ
ik ġhubār āsmāñ se uThtā hai

vaqt-e-girya mauzūñ ho kyuuñ na aah kā misra.a
rafta rafta ashk apnā ban gayā fuġhānī yaañ

kaun kitnā aadmī hai ye batā
aah meñ āhañg kā iz.hār kar

toḌe haiñ bahut shīsha-e-dil jis ne 'nazīr' aah
phir charḳh vahī gumbad-e-mīnā.ī hai kam-baḳht

lāzim hazar hai ai dil āh-o-fuġhāñ se daa.im
aatā hai harf us se da.avā-e-dostī par

Daro asar se ḳhudā jaane kyā ho kyā kuchh ho
ghuTā huā hai abhī aah kā dhuāñ muñh meñ

ai aah tirī qadr asar ne to na jaanī
go tuj ko laqab ham ne diyā arsh-makānī

yās-o-hirmāñ ko ba-alfāz-e-digar
aah kī be-asarī kahte haiñ

haiñ kahāñ aah vo hūrān-e-tasavvur jin se
dil thā ġhairat-dah-e-gulzār-e-jināñ aaj kī raat

bijlī kā naam sunte hī āñkheñ jhapak ga.iiñ
rokegī merī aah kī kyā ye nigāh choT

miltī hai chup kī daad ye mash.hūr baat hai
jal jaa.e āsmāñ jo kare zabt aah choT

lālach asar kā ho na kahīñ bā.is-e-zarar
Takrā ke sar falak se na khā jaa.e aah choT

sarguzisht apnī kis andoh se shab kahtā thā
so ga.e tum na sunī aah kahānī us kī

āh-e-jigar-ḳhrāsh se nazm-e-jahāñ badal diyā
'ḳhālid'-e-dil-e-figār ne luuT liyā luTā diyā

vo bhī apne dard bhī apnā
āh-e-dil-e-nākām bhī apnī

maiñ lafz DhūñDhtā rahtā thā jis ke kahne ko
vo saarī baat mirī aah meñ paḌī huī thī

aah kar ke bhī ham ne dekh liyā
soz-e-ġham meñ kamī nahīñ hotī

pūchhtā kyā hai ham-nashīñ mujh se
kas liye zabt-e-āh kartā huuñ

terī āñkhoñ meñ surūr-e-ishrat-e-jamhūr hai
aah ye jauhar hamārī dastaras se duur hai