Tags-Aah

dast-e-qātil said banñe se nahīñ ruktā kabhī
hai abas be-chārgī-o-āh-o-zārī haa.e haa.e

vasl kī chaah karūñ hijr meñ bhī aah bharūñ
ye mire ishq kā me.aar nahīñ ho saktā

kīdhar ko nikal jāveñ 'hasan' kyā kareñ ham aah
bāhar hī ye dil apnā na lagtā hai na ghar meñ

na miTā de vo un kā nām-o-nishāñ
aah niklī hai jo zabān se aaj

us kī shikastagī kā ġham kyuuñ na ho mujh ko sāqiyā
merī baġhal meñ aah yaañ shīsha-e-dil rahā kiyā

shola-ruḳhoñ ke ishq ne kunj-e-mazār meñ bhī aah
sone diyā na chain se maiñ to sadā jalā kiyā

tār-e-nafas judā kiyā barbat-e-tan se mere aah
kaudak-e-mutrib aur kyā tujh ko kahūñ bajā kiyā

ḳhaar ḳhār-e-dil ġhanīmat jāntā huuñ ishq meñ
zulf-e-dūd-e-āh kī ārastagī kāshāna hai

ḳhaak meñ aah milā.ī hai javānī maiñ ne
shola-zāroñ meñ jalā.ī hai javānī maiñ ne

haiñ sard aah se jhoñke havā ke yaḳh-basta
guzishta rut sī agan bhī nahīñ hai barkhā hai

kabhī to ashk meñ ḳhūn-e-jigar kā rañg-e-hayāt
kabhī to aah meñ dil kī dabī huī āvāz

behis logoñ kī bastī meñ āḳhir 'anvar'
kaise kaise naġhme aah meñ Dhal jaate haiñ

raas aa.e tum ko mulk-e-ishq kī āb-o-havā
āshiqo har-vaqt shaġhl-e-āh-o-zārī chāhiye

kar ke vo jaur-o-sitam hañs ke lagā ye kahne
aah o afġhāñ kā tirī ham bhī asar dekheñ to

unheñ bazm-e-ġhair meñ dekh kar kaheñ kyā 'rashīd' ki kyā huā
kabhī zabt kar ke Thahar ga.e kabhī aah bhar ke chale ga.e

kyūñki khaTkā na rahe sab ko udhar jaane kā
aah kyā kyā na usī ḳhaak meñ maqbūl ga.e

ushshāq kā hai ye haal din-rāt hai hāl-e-qāl
āh-o-fuġhāñ hai ḳhayāl-e-sīna-zanī taal hai

bachpan meñ bahut dukh hotā thā mazlūm kī āh-o-zārī par
hote hī javāñ bahlāne ko duniyā ke nazāre aa pahuñche

na kisī aah kī āvāz na zanjīr kā shor
aaj kyā ho gayā zindāñ meñ ki zindāñ chup hai

ġhurbat kī shaam ulfat-e-gesū meñ dekhiye
us dil ne ham ko aah ġharīb-ul-vatan kyā