Tags-Aahat

pur-shor talātum kā mudāvā koī aahaT
sañgīn fazā meñ thī dilāsā koī aahaT

sailāb ke narġhe meñ ghirī jab se tamannā
ik sapnā dikhātī hai suhānā koī aahaT

ḳhāmosh ḳhayāloñ ke qafas meñ tū paḌā rah
jāgegī nahīñ dar pe dobāra koī aahaT

koī āvāz na aahaT na ḳhayāl aise meñ
raat mahkī hai magar jī hai niDhāl aise meñ

harf-o-ma.anī kī tag-o-dau kā natīja ye huā
apnī aahaT se bhī Darne lagā rahvār-e-ḳhayāl

kis ki aahaT sunā.ī detī hai
zaḳhm shāyad koī nayā hogā

koī halchal hai na aahaT na sadā hai koī
dil kī dahlīz pe chup-chāp khaḌā hai koī

kināre par hī dikhtī thī sub.h shaam
har aane vaalī lahr kī aahaT bhar se

kabhī jab hijr kī aahaT se dil āñgan meñ aatī hai
bahut apnā.iyat se bas vo apnā yaad aatā hai

goyā zinda rahnā bhī ik jurm tere shahr meñ thā
ham har ik aahaT pe larze ham har ik dhaḌkan pe dahle

jaane kab aa ke vo darvāze pe dastak de de
zindagī maut kī aahaT se Darī rahtī hai

pā ke aahaT nāma-bar kī kuchh sukūñ paatī huuñ maiñ
ik hayāt-e-nau mujhe miltī hai khil jaatī huuñ maiñ

bāteñ karte karte pyāre dil dhaḌakne kyuuñ lagā
sun ke kuchh aahaT kaho kyā dil meñ khaTkā paḌ gayā

tumhārā jaanā tumhāre jaane pe guzrī aahaT se baat karnā
hameñ to aadat sī ho ga.ī hai ki sarsarāhaT se baat karnā

vaqt ne har aahaT par ḳhaak Daal dī 'shahpar'
kar diyā adā āḳhir jizya-e-anā maiñ ne

na chiḌiyoñ kī koī aahaT na jhoñke hī havā ke haiñ
bahut lagtā hai Dar mujh ko nagar vīrān hogā kyā

ab do-ālam se sadā-e-sāz aatī hai mujhe
dil kī aahaT se tirī āvāz aatī hai mujhe

raat ko jaate dekh chukā
sub.h kī aahaT suntā huuñ

vo ek shab thī safed gulāboñ vaale tālāb ke bilkul nazdīk
bādaloñ kī pahlī aahaT par

kis kī aahaT hai suunī galiyoñ meñ
kis kā khultā hai raat kā manzar