Tags-Aahat

koī aahaT koī āvāz koī chaap nahīñ
dil kī galiyāñ baḌī sunsān haiñ aa.e koī

sub.h-savere ḳhushbū panghaT jā.egī
har jānib qadmoñ kī aahaT jā.egī

pyaar kī vo hasīn sī aahaT
jo vahāñ thī yahāñ nahīñ lagtī

koī dastak koī aahaT na shanāsā āvāz
ḳhaak uḌtī hai dar-e-dil pe bayābāñ kī tarah

ek aahaT aa ke mere dar se vāpas ho ga.ī
aur maiñ kānoñ ko takiye se dabā sotā rahā

aaj bhī naqsh haiñ dil par tirī aahaT ke nishāñ
ham ne us raah se auroñ ko guzarne na diyā

darvāze par aahaT sun kar us kī taraf kyuuñ dhyān gayā
aane vaalī sirf havā ho aisā bhī ho saktā hai

kis kī aahaT par añdheroñ meñ qadam baḌhte ga.e
rūnumā thā kaun is andhe safar ke darmiyāñ

jagmagā uTThā añdhere meñ mirī aahaT se vo
ye ajab us but kā merī aañkh par jauhar khulā

ḳhāmoshī meñ chāhe jitnā begāna-pan ho
lekin ik aahaT jānī-pahchānī hotī hai

dekho vaqt kī aahaT tez hotī jaatī hai
jo savāl baaqī haiñ pūchh lo abhī ham se

ruuh kī aañkh chakā-chauñd huī jaatī hai
kis kī aahaT kā mire kaan meñ naġhma chamkā

niiñd TuuTī hai kis kī aahaT se
sat.h-e-dil par koī to chaltā hai

koī guzrā hai dabe-pāñv ye shahr-e-dil se
kis kī aahaT sī ye mahsūs huī dil ke qarīb

tirī aahaT kā samā.at meñ koī dar jo khule
maiñ usī dar meñ diyā ban ke jalī jā.ūñ piyā

tere qadmoñ kī aahaT ko tarsā huuñ
maiñ bhī terā bhūlā huā ik rastā huuñ

jo chaltā hai to qadmoñ kī koī aahaT nahīñ hotī
talāsh-e-farq-e-nek-o-bad kī ḳhvāhish ko liye dil meñ

suī ke girne kī aahaT se guuñj uThte haiñ
giraft-e-khauf meñ ḳhālī makāñ haiñ sab ke sab

maiñ na samjhā varna hañgāmoñ bharī duniyā meñ ik aahaT ke sañg
koī to thā aaj jis kā qahqaha dil meñ hai dāman-gīr-e-dil

aahaT sī shab-e-ġham jo tujhe dī hai sunā.ī
ai dil vo tire apne dhaḌakne kī sadā hai