Tags-Deedar

chhoḌ kar ghar-bār apnā hasrat-e-dīdār meñ
ik tamāsha ban ke aa baiThā huuñ kū-e-yār meñ

ādam-e-ḳhākī se aalam ko jilā hai varna
ā.īna thā ye vale qābil-e-dīdār na thā

hamesha hasrat-e-dīdār pe dil ne qanā.at kī
baḌe dar kā mujāvir thā baḌe murshid kā chelā thā

na millat hai na maz.hab hai na hai matlab koī apnā
visāl-e-yār maz.hab hai aur hai dīdār se matlab

dāva-e-dīd abas jur.at-e-dīdār ġhalat
aap meñ aa na sake aap ko paane vaale

turfa hālat hai ki uTh kar maiñ jahāñ jaatā huuñ
tere dīdār kī ḳhvāhish mire dumbāl hai aaj

hijābāt-e-ta.ayyun māne-e-dīdār samjhā thā
jo dekhā to naqāb-e-rū-e-jānāñ merī hastī hai

bū-e-gul 'ātish' kahīñ hotī hai mahsūs-e-nazar
afzā hai roz-e-mahshar yaar ke dīdār kā

ai sanam āshiq se rūposhī nahīñ lāzim tujhe
parda muusā se nahīñ allāh ko dīdār kā

dil-e-be-tāb ko kab vasl kā yaarā hotā
shādī-e-daulat-e-dīdār ne maarā hotā

kahāñ ga.ī ab vo lan-tarānī na taab jalve kī laa.e āshiq
hunūz kholā thā bahr-e-dīdār us ne band-e-naqāb aadhā

shauq-e-dīdār meñ gar tū mujhe gardan maare
ho nigah misl-e-gul-e-shamā pareshāñ mujh se

'shād' na vo dīdār-parastī aur na vo be-nashsha kī mastī
tujh ko kahāñ se DhūñDh ke laa.eñ uf rī javānī haa.e zamāne

ho rahā hai mujhe takmīl-e-mohabbat kā gumāñ
ishq ab husn ke dīdār se katrātā hai

yuuñ kahāñ mumkin thā husn-e-ḳhās kā dīdār-e-ām
ban ga.ī āḳhir sarāpā sub.h-e-mahshar ā.īna

ḳhushā vo sarḳhushī-e-sā.at-e-shab-dīdār
kujā faroġh-e-mah-o-mai kujā nazāra-e-shab

dil ishq tere nazr kiyā jaan kyūñki duuñ
rakkhā hai us ko hasrat-e-dīdār ke liye

kūche se tire kuuch hai ai yaar hamārā
jī le hī chalī hasrat-e-dīdār hamārā

ik naqd-e-nigah par 'ishq' biktā hai to kar saudā
de bahr-e-ḳharīdārī dīdār kā bai.āna