Tags-Deedar

maan.e daulat-e-dīdār na ho ai girya
ruḳh-e-mahbūb kā karne de nazārā mujh ko

taab us ruḳh kī tajallī kī nahīñ tujh kuuñ 'sirāj'
tuuñ abas shola-e-dīdār kī saugand na khā

jis pe ho jaa.eñ fidā koī bhī aisā na milā
saikḌoñ dekhe hasīñ aap ke dīdār ke ba.ad

nargis kī tarah ḳhaak merī ugeñ haiñ chashm
Tuk aan ke ye hasrat-e-dīdār dekhnā

dil kī dil hī meñ rahī ye hasrat-e-dīdār bhī
merī nazreñ uThte hī vo mujh se sharmā jaa.e hai

tamannā-e-dīdār hai hasrat-e-dil ki tum jalva-farmā ho maiñ āñkheñ sekūñ
na kah denā muusā se jaise kahā thā mirī arz par lan-tarānī kaho to

fajar uTh yaar kā dīdār karnāñ
shab-e-hijrāñ kā dukh iz.hār karnāñ

lagtī vo tajallī sharar-e-sañg ke mānind
muusī tū agar dekhtā dīdār butāñ kā

jaan āñkhoñ meñ rahī jī se guzarne na diyā
achchhī dīdār kī hasrat thī ki marne na diyā

tirā dīdār ho hasrat bahut hai
chalo ki niiñd bhī aane lagī hai

kahīñ rusvā na kare hairat-e-dīdār mujhe
aaj vo jalva-e-mastūr huvaidā hogā

vo kyuuñ 'beḳhud' ko mahv-e-lazzat-e-dīdār rahne deñ
vo dīvāne nahīñ ġhāfil ko jo hushyār rahne deñ

ḳhaar ḳhār-e-alam-e-hasrat-e-dīdār to hai
shauq gul-chīn-e-gulistān-e-tasallī na sahī

tū mushtāqoñ se apne chashm-poshī roz kartā hai
tire dīdār kī daulat bhī qārūñ kā ḳhazāna hai

ḳhuddām-e-harīm-e-nāz jo haiñ allāh re un kī ḳhush-baḳhtī
dīdār bhī hotā rahtā hai armāñ bhī nikalte rahte haiñ

merī nazar bhī tālib-e-dīdār-e-hīr hai
malnā paḌegā jism pe mujh ko bhabūt kyā

agar hotā mujhe paas aabrū kā
na terā āshiq-e-dīdār hotā