Collections

Lab Shayari

Motivational Ghazals

Best Khamoshi Shayari

More Collections

Tags-Dhoop

jaaḌe kī is dhuup ne dekho kaisā jaadū pher diyā
behad sabz daraḳhtoñ kā bhī rañg sunahrā lagtā hai

shabnam bhigi ghas pe chalna kitna achchha lagta hai

aa ga.ī dhuup mirī chhāñv ke pīchhe pīchhe
tishnagī jaise ho sahrāoñ ke pīchhe pīchhe

aa gai dhup meri chhanw ke pichhe pichhe

din jo kahtā hai mat sun
dhuup kāñdhoñ par uThāne se bhī haT jā

aa ke ho ja be-libas

ġhubār-e-dar-ba-darī jis ne kar diyā mujh ko
musāfiroñ ko usī dhuup ne khajūr kiyā

parinde puchhte hain tumne kya qusur kiya

jo saaya ho to Darūñ aur dhuup ho to jalūñ
ki ek naḳhl-e-numū ḳhāk-e-nauha-gar meñ huuñ

ye aur baat ki is ahd ki nazar mein hun

dhuup hai taptī huī ret hai vīrānī hai
aaj dekhā nahīñ vo ābla-pā āvāra

humse pahle to koi yun na phira aawara

jaatī hai dhuup ujle paroñ ko sameT ke
zaḳhmoñ ko ab ginūñgā maiñ bistar pe leT ke

jati hai dhup ujle paron ko sameT ke

dhuup meñ jalte haiñ tab saaya bantā hai
baḌe jatan se koī apnā bantā hai

dhup mein jalte hain tab saya banta hai

peḌ ham mohabbat ke dasht meñ lagā.eñge
be-makāñ parindoñ ko dhuup se bachā.eñge

shahar ki fasilon par zaKHm jagmagaenge

ai dopahar kī dhuup batā kyā javāb duuñ
dīvār pūchhtī hai ki saaya kidhar gayā

ai dopahar ki dhup bata kya jawab dun

yuuñ sahrā meñ saa.e kī tadbīr karūñ
piilī dhuup meñ aaj siyāhī gholūñ maiñ

chup hi rahun ya raaz tere sab kholun main

saath mausam ke havā ko bhī machal jaanā thā
dhuup ko shams kī bāhoñ meñ pighal jaanā thā

sath mausam ke hawa ko bhi machal jaana tha

chamaktī dhuup tum apne hī dāman meñ na bhar lenā
maiñ saarī raat peḌoñ kī tarah bārish meñ bhīgā huuñ

ghurub-e-sham hi se KHud ko yun mahsus karta hun

tanhā huā safar meñ to mujh pe khulā ye bhed
saa.e se pyaar dhuup se nafrat use bhī thī

zikr-e-shab-e-firaq se wahshat use bhi thi

din bhar jale jo dhuup ke bistar pe dosto
sūraj chhupā to chādar-e-shab meñ simaT ga.e

sae jo sang-e-rah the raste se haT gae

ye kaisī dhuup aur paanī meñ afzā.ish huī hai
bahishtī Tahniyāñ is oḌhnī se jhāñktī haiñ

isi duniya mein duniyaen hamari bhi basi hain

dhuup ke maare logoñ ko bhī sahrā meñ
mil jaatī hai peḌ kī chhāñv shaam ga.e

TukDe TukDe jab baT jaun sham gae

mire mizāj ko sūraj se joḌtā kyuuñ hai
maiñ dhuup huuñ mujhe nāhaq sikoḌtā kyuuñ hai

mere mizaj ko suraj se joDta kyun hai

ab tak apne haath na aayā surma.ī chhāñv kā dāman bhī
chāñdī jaisī dhuup meñ jalte ek zamāna biit gayā

chhanw ko takte dhup mein chalte ek zamana bit gaya

chhāñv ko takte dhuup meñ chalte ek zamāna biit gayā
hasratoñ kī āġhosh meñ palte ek zamāna biit gayā

chhanw ko takte dhup mein chalte ek zamana bit gaya