Tags-Dil

vo sañg-e-malāmat thā jis ko tirā dil kah kar
us kūche se mujh jaisā rah-gīr uThā laayā

vahī ḳhvāb-o-ḳhur kī talāsh hai vahī jān-o-dil meñ ḳharāsh hai
vahī rañj-e-ġhair-e-ma.āsh hai mujhe zindagī bhī harām hai

vahī shaq jigar na siyo siyo vahī ziist hai na jiyo jiyo
vahī ḳhūn-e-dil na piyo piyo vahī baada hai vahī jaam hai

vahī nīm-jāñ dam-e-vāpsīñ vahī nāla-kash suḳhan-e-hazīñ
vahī yās-e-zīst hai dil-nashīñ ki zabāñ pe aap kā naam hai

ye vaqt-e-shām hai yā rab dil o nazar kī ho ḳhair
ki is samay meñ to saa.e bhī Dhalte rahte haiñ

zaḳhm bhī taaza thā aur us pe havā bhī taaza
dil ne rakkhā thā magar raḳhsh-e-duā bhī taaza

kis bahāne se tujhe bhuul rahūñ aur ḳhush huuñ
phir banā legā ye dil ek ḳhudā bhī taaza

jān-e-muztar ko na ho kyuuñ dil-e-betāb se haz
hotā ahbāb ko hai sohbat-e-ahbāb se haz

nigah-e-mast se paatā hai vo dil kaifiyyat
ho.e maḳhmūr ko jis tarah mai-e-nāb se haz

ahl-e-dil paate haiñ jam.iyyat-e-dil se lazzat
ahl-e-duniyā ko hai jam.iyyat-e-asbāb se haz

uryāñ zamāna-gīr sharar-gūñ jibillateñ
kuchh thā to ek barg-e-dil un kā libās thā

dekhā to dil ke sāmne sāyoñ ke jashn meñ
har aks-e-ārzū kā anokhā libās thā

jab jab dil-e-nāzuk pe paḌī choT koī bhī
kuchh din to dhuāñ dil se har ik lamha uThā hai

kis darja dil-fareb haiñ jhoñke umiid ke
ye zindagī huī hai gavārā kabhī kabhī

yak do jaam aur bhī de tū saaqī
na rahe dil meñ aarzū saaqī

bigaḌne ke asbāb lāzim nahīñ
na.ī baat dil se banāte haiñ aap

haañ ḳhār-o-ḳhas se dil ko ilāqa hai paas kā
haañ is chaman ke taaza nihāloñ se ishq hai

har be-navā faqīr ko dete haiñ ḳhūn-e-dil
har ḳhush-navā faqīr ke nāloñ se ishq hai

ham-chashm laala hai jo dil-e-dāġh-dār kā
nargis ko ham sā āriza hai intizār kā

vo dil-jale haiñ sho.ala-e-javvāla ban gayā
uTThā jo gard-e-bād hamāre ġhubār kā